ཆིག་དགུ་ཞེ་དགུའི་བཅུ་པའི་ཚེས་གཅིག་ཉིན།།
མ་ཡུམ་མེས་རྒྱལ་མཚན་དཔེའི་མེ་ཏོག་བཞད།།
དགུང་གྲངས་བདུན་ཅུའི་འཁྲུངས་སྐར་རྫོགས་ལྡན་དུས།།
དུས་བཟང་དེ་རིང་བཀྲ་ཤིས་ཉིས་བརྩེགས་ཡིན།།
དམངས་གཙོའི་བཅོས་བསྒྱུར་བཏང་ནས།།
སྲིད་བཟང་སྦྲང་ཆར་བབས་བྱུང་།།
ང་དྲུག་མི་རིགས་སེམས་ལ།།
སྐྱིད་པའི་ཉི་མ་ཤར་སོང་།།
ད་ལྟའི་བདེ་སྐྱིད་འཚོ་བ།།
རླབས་ཆེན་ཏང་གིས་གནང་བྱུང་།།
འཚོ་བར་གཅེས་འཛིན་བྱས་ནས།།
ཏང་གི་བཀའ་དྲིན་དྲན་དགོས།།
བགྲང་བྱ་བདུན་ཅུ་འདས་པའི་དེ་རིང་། གངས་ལྗོངས་ས་མཐོའི་ཆབ་དཔལ་རིག་གསུམ་གནམ་ས་བླ་འོག་ལྟ་བུའི་འགྱུར་བ་ཕྱིན་ཡོད། ང་ཚོའི་བདེ་སྐྱིད་ལྡན་པའི་འཚོ་བ་ནི་གནམ་ནས་ཟག་པ་མ་རེད་ལ་ས་ནས་སྐྱེས་པ་ནི་དེ་བས་མ་རེད། དེ་ནི་རླབས་ཆེན་གྱི་ཀྲུང་གོ་གུང་ཁྲན་ཏང་གི་ཡང་དག་པའི་དབུ་ཁྲིད་འོག་གསར་བརྗེའི་སྔོན་གཤེགས་དཔའ་བོ་བགྲང་ལས་འདས་པའི་ཁྲག་དྲོན་ལས་བརྗེས་པ་ཞིག་ཡིན་ལ། བུ་ཕྲུག་དུང་ཕྱུར་མང་པོ་སྐྱོང་མཁན་མ་ཡུམ་མེས་རྒྱལ་གྱིས་ཀྱག་ཀྱོག་ལོ་རྒྱུས་ཀྱི་དཀའ་ངལ་མང་པོ་བརྒྱུད་ནས་བྱུང་བ་ཞིག་ཡིན། ང་ཚོས་ད་ལྟའི་བདེ་སྐྱིད་ལྡན་པའི་འཚོ་བར་གཅེས་འཛིན་བྱས་ནས་མ་ཡུམ་མེས་རྒྱལ་དང་རླབས་ཆེན་ཀྲུང་གོ་གུང་ཁྲན་ཏང་གི་བཀའ་དྲིན་འཇལ་རྒྱུའི་དམ་བཅའ་བརྟན་པོ་འཇོག་རྒྱུ་ཡིན།
དེ་རིང“རྒྱལ་ཁབ་དབུ་བརྙེས་ནས་ལོ་ངོ༧༠འཁོར་བ”དང་།“བོད་ལ་དམངས་གཙོའི་བཅོས་བསྒྱུར་བཏང་ནས་ལོ་ངོ༦༠འཁོར་བར”རྟེན་འབྲེལ་ཞུ་བའི་བཀྲ་ཤིས་དུས་སྟོན་གྱི་ཉིན་མོ་ཞིག་ཡིན་པས་ངས་མ་ཡུམ་མེས་རྒྱལ་མངའ་ཐང་ལོངས་སྤྱོད་དགུང་དང་མཉམ་པ་དང་། རྒྱ་ཆེའི་མི་དམངས་མང་ཚོགས་བདེ་སྐྱིད་ལྡན་པའི་འཚོ་བ་དབྱར་གྱི་ཆུ་གཏེར་བཞིན་རྒྱས་པའི་བཀྲ་ཤིས་སྨོན་འདུན་ཞུ་རྒྱུ་ཡིན།