ངའི་ཕ་ཡུལ་གྱི་སློབ་གྲྭ་ནི་མཐའ་བཞི་ཚང་མ་གངས་དཀར་ཅོད་པན་གྱིས་རྒྱན་པའི་རི་བོས་བསྐོར་ཡོད། མ་གཞི་སློབ་གྲྭ་འདི་གྲོང་ཁྱེར་གྱི་སློབ་གྲྭ་གཞན་དང་བསྡུར་ན་དེ་ཙམ་གྱི་གཞི་རྒྱ་ཆེན་པོ་མེད་པ་མ་ཟད། སློབ་མ་དང་དགེ་རྒན་ཡང་ཉུང་ཉུང་ཡིན། ཡིན་ནའང་། དེའི་ནང་དུ་འཛུལ་མ་ཐག ཁོར་ཡུག་གཙང་ཞིང་ལམ་གྱི་གཡས་གཡོན་ཚང་མར་ལྕང་མ་དང་མེ་ཏོག་ཧ་ཅང་གི་མང་པོ་ཡོད་པ་དེ་དག་གིས་དབྱར་གྱི་དུས་སུ་ཉི་འོད་ཀྱི་ཚ་བ་འགོག་ཐུབ་པའི་དགེ་མཚན་ལྡན་ཡོད། དེ་ནས་མདུན་ཕྱོགས་སུ་ད་དུང་གོམ་པ་དྲུག་བདུན་ཙམ་སོང་ན། སློབ་ཁང་དང་སློབ་མའི་ཉལ་ཁང་། དགེ་རྒན་གྱི་ཉལ་ཁང་བཅས་གྲལ་སྟར་སྒྲིག་པོས་བཞེངས་ཡོད་པ་དེ་མངོན་ཐུབ་པ་མ་ཟད། དེ་ཚོའི་གྱང་ལྡེབས་སུ་ས་སྐྱ་ལེགས་བཤད་དང་། དགེ་ལྡན་ལེགས་བཤད། ཆུ་ཤིང་བསྟན་བཅོས་སོགས་ལེགས་བཤད་དང་མཁས་པའི་ཞལ་གདམས་སོགས་ཧ་ཅང་གི་མང་པོ་སྦྱར་ཡོད་པས། མིག་གིས་མཐོང་བ་ཙམ་གྱིས་བརྗིད་ཉམས་ལྡན་པ་ཞིག་ཡོད།
དེ་ལས་ཀྱང་ཧ་ལས་དགོས་པ་ཞིག་ལ་བཀོད་ལེགས་ཁང་བཟང་སྟར་སྒྲིག་ཞིག་གི་ནང་དུ་སློབ་མ་རང་ཉིད་ཀྱི་དགའ་མོས་ཀྱི་བྱེད་སྒོ་སྒྲ་སྙན་དང་། བོད་ཡིག་ཡིག་གཟུགས། གླུ་གཞས། ཡང་ཇིན། རི་མོ། སྤོ་ལོའི་རིགས། དེ་བཞིན་རྩོམ་ཡིག་སོགས་སྦྱོང་བཞིན་ཡོད། དེའི་ནང་གི་སློབ་མ་རྣམས་ལ་ཀུན་སྤྱོད་གཙང་ཞིང་། དགེ་རྒན་ལ་གུས་བཀུར་ཆེ་བ། སྤྱི་དངོས་ལ་བདག་གཅེས་ཆེ་བ། སློབ་སྦྱོང་ལ་འབད་བརྩོན་ཆེ་བ་བཅས་ཀྱི་དགེ་མཚན་མང་པོ་ལྡན་པ་མ་ཟད། དགེ་རྒན་རྣམས་ནི་མཁྱེན་རྒྱ་ནམ་མཁའ་མཐའ་ལྟར་ཡངས་ཤིང་། སློབ་མར་བྱམས་བརྩེ་ཆེ་བ་དང་། སློབ་ཚན་ཁྲིད་སྐབས་ངག་འཇམ་པོའི་སྒོ་ནས་ཁྲིད་པ་སོགས་བྱེད་ཀྱི་ཡོད།
ཨེ་མ། སློབ་གྲྭའི་ནང་གི་ཁོར་ཡུག་འདི་འདྲའི་མཛེས་པ་ལའང་།
༢༠༢༢ལོའི་སློབ་ཐོན་འཛིན་གྲྭ་གཉིས་པ། བསོད་ནམས་བཀྲ་ཤིས།