དུང་རི་གསེར་མཚོ།
དུང་རི་གསེར་མཚོ་ཞེས་པའི་སློབ་ཚན་དེ་རང་ཉིད་ཀྱིས་གཙོ་བོ་བསླབ་གཞི་དང་། སློབ་ཁྲིད་ཀྱི་དམིགས་ཡུལ་དང་རེ་བ། སློབ་ཁྲིད་ཀྱི་དཀའ་གནད་དང་གཙོ་གནད། སློབ་ཁྲིད་ཀྱི་ནང་དོན། སློབ་ཁྲིད་ཀྱི་ཐབས་ཤེས། སློབ་ཆས་གྲ་སྒྲིག སློབ་མའི་སྐོར། སློབ་ཁྲིད་ཀྱི་བརྒྱུད་རིམ། ནག་པང་འཆར་འགོད་སོགས་ཀྱི་ཐད་ནས་གླེང་བརྗོད་བྱ་རྒྱུ་ཡིན།
དང་པོ། བསླབ་གཞི་གླེང་བ།
ལྗོངས་ཞིང་ལྔའི་མཉམ་སྒྲིག་བསླབ་གཞི་འགན་བབས་སློབ་གསོའི་བསླབ་ཚན་གྱི་ཚད་གཞིའི་ཚོད་ལྟའི་སློབ་དེབ་ལོ་རིམ་བཞི་པའི་སྨད་ཆའི་སྐད་ཡིག་ཤེས་བྱའི་དགའ་ཚལ་གསུམ་པའི་སློབ་ཚན་གསུམ་པ་ཡིན་ཞིང་། སྐད་ཡིག་ཤེས་བྱའི་དགའ་ཚལ་འདིར་ཡུལ་ལྗོངས་ལ་ལྟ་ཞིབ་དང་། ཡུལ་ལྗོངས་འབྲི་བའི་ཇི་བཞིན་བརྗོད་པའི་རྩོམ་ཡིག་ལས་གྲུབ་པའི་རྩོམ་འབྲིའི་ནུས་པ་གསོ་སྦྱོང་བྱེད་པའི་ཤེས་བྱའི་དགའ་ཚལ་ཞིག་རེད་འདུག
གཉིས་པ། སློབ་ཁྲིད་ཀྱི་དམིགས་ཡུལ་དང་རེ་བ་གླེང་བ།
༡ སློབ་ཚན་དེ་སློབ་ཁྲིད་བྱས་པ་བརྒྱུད། སློབ་མས་སློབ་ཚན་དེའི་ནང་གི་གོ་དཀའ་བའི་མིང་དང་ཚིག་དག་་འབྲི་ཤེས་པ་དང་། གོ་དོན་རྟོགས་པ། བེད་སྤྱོད་ཐུབ་པ་བྱེད་རྒྱུ། ༢ སློབ་ཚན་འབྱོང་ཀློག་ཐུབ་པ་མ་ཟད། བརྗོད་དོན་གོ་བ་ལོན་ཐུབ་པ།
༣ སློབ་ཚན་དེ་བསླབ་པ་བརྒྱུད། སློབ་མས་དུང་རི་གསེར་མཚོའི་ཡ་མཚན་ཆེ་བའི་མཛེས་ལྗོངས་ལ་རྒྱུས་ལོན་བྱེད་ཐུབ་པ་དང་། རང་བྱུང་ཁམས་ལ་ལྟ་ཞིབ་དང་རང་བྱུང་ཁམས་ཀྱི་མཛེས་སྡུག་ལ་མྱོང་ཚོར་བྱེད་པ་མ་ཟད། མེས་རྒྱལ་གྱི་རི་ཀླུང་ལ་དགའ་བའི་བསམ་པའི་བརྩེ་དུང་སྐྱེད་སྲིང་བྱེད་དགོས།
གསུམ་པ། སློབ་ཁྲིད་ཀྱི་དཀའ་གནད་དང་གཙོ་གནད་གླེང་བ།
དུང་རི་གསེར་མཚོའི་རང་བྱུང་གི་མཛེས་ལྗོངས་ལ་ལྟ་ཞིབ་བྱས་པའི་ཤེས་བྱ་རྒྱུས་ལོན་ཐུབ་པ་མ་ཟད། རང་བྱུང་ཁམས་ལ་ལྟ་ཞིབ་དང་རང་བྱུང་ཁམས་ཀྱི་མཛེས་སྡུག་ལ་མྱོང་རོལ་བྱེད་པ། རྩོམ་ཡིག་འབྲི་བའི་འདུན་པ་ཇེ་ཆེར་གཏོང་བ། རང་གི་ཕ་ཡུལ་གྱི་རི་ཆུ་ལ་དགའ་ཞིང་དུངས་པའི་བསམ་པའི་འདུ་ཤེས་སྐྱེད་སྲིང་བྱེད་དགོས།
བཞི་པ། སློབ་ཁྲིད་ཀྱི་ནང་དོན་གླེང་བ།
སློབ་ཚན་འདིར་ཁྱོན་ཚོགས་ཐེངས་གསུམ་ལ་དབྱེ་བ་ལས་དེ་རིང་རང་ཉིད་ཀྱིས་གྲ་སྒྲིག་བྱས་པའི་ཁྲིད་བྱའི་ནང་དོན་ནི་ཚོགས་ཐེངས་གཉིས་པའི་ནང་དོན་ཡིན།
ལྔ་པ། སློབ་ཁྲིད་ཀྱི་ཐབས་ཤེས་གླེང་བ།
༡ དགེ་སློབ་ཕན་ཚུན་དྲི་བ་འདོན་པ།
༢ དགེ་རྒན་ནས་འཆད་ཁྲིད་ཀྱི་ཐབས།
༣ སློབ་མ་ཕན་ཚུན་དྲི་བ་འདོན་པའི་ཐབས།
༤ སློབ་མ་ཕན་ཚུན་ཚོགས་ཆུང་གྲོས་བསྡུར་གྱི་ཐབས་སྤྱད་རྒྱུ།
དྲུག་པ། སློབ་ཆས་གྲ་སྒྲིག་གི་སྐོར་གླེང་བ།
གློག་ཀླད་སྨྱན་ཆས་དང་ཤོག་བྱང་སོགས་བེད་སྤྱད་ནས་ཐད་མཐོང་གི་རི་མོར་བརྟེན་ནས་སློབ་ཚན་གྱི་ནང་དོན་ལ་གོ་བ་གཏིང་ཟབ་ལོན་པ་དང་། དུང་རི་གསེར་མཚོའི་གནས་ཡུལ་དང་། མཚོའི་དབྱིབས། ཆུའི་ཁ་དོག་སོགས་ཐུན་མོང་མ་ཡིན་པའི་ཁྱད་ཆོས་དེ་དག་གསལ་ཤེས་ཐུབ་པར་ར་འདེགས་བྱེད་རྒྱུ།
བདུན་པ། སློབ་མའི་སྐོར་གླེང་བ།
སློབ་ཚན་དེ་མ་སྦྱངས་གོང་སློབ་མས་དེབ་འདིའི་སློབ་ཚན་བྱ་དངོས་ལ་ལྟ་ཞིབ་བྱེད་སྟངས་ཁག་ག་ཚོད་ཡོད་མེད་གསལ་ཤེས་ཐུབ་པའི་རྨང་གཞིའི་ཐོག་གོམས་གང་མདུན་སྤོས་ཀྱིས་རྩོམ་འབྲིའི་ཤེས་བ་དག་དོན་དངོས་ཀྱི་ལག་ལེན་ཁྲོད་བེད་སྤྱོད་བྱེད་པའི་ནུས་གསོ་སྐྱོང་བྱེད་རྒྱུ་ཡིན།
བརྒྱད་པ། སློབ་ཁྲིད་ཀྱི་བརྒྱུད་རིམ་གླེང་བ།
༡ བསྐྱར་སྦྱོང་།
༢ གསར་འདྲེན།
༣ གསར་ཁྲིད།
༤ སྲ་བརྟན།
༥ ཕྱོགས་བསྡོམས།
བརྒྱད་པ། སྦྱོང་ཚན་བཀོད་སྒྲིག་གླེང་བ།
༡ དེ་རིང་སྦྱངས་པའི་སློབ་ཚན་གྱི་ཚིག་གསར་དག་ཐེངས་ལྔ་ཀློག་རྒྱུ།
༢ དྲི་བར་ལན་འདེབས་རྒྱུ།
དུང་རི་གསེར་མཚོ་གང་དུ་གནས་ཡོད། གསེར་མཚོའི་དབྱིབས་གང་འདྲ་ཡིན། ཆུའི་མདོག་གང་དག་ཡོད།
༣ གཤམ་གྱི་དུམ་བུ་དེ་དག་ཐེངས་འགའ་ཀློག་ནས་མི་ཤེས་པའི་མིང་དང་ཚིག་གི་གོ་དོན་ཚིག་མཛོད་སྤྱད་ནས་ཤེས་པ་བྱས་ཏེ་སྔོན་སྦྱོང་བྱེད་རྒྱུ།
༤ དེ་རིང་གི་སློབ་ཚན་ལ་དཔེ་བལྟས་ནས་རྫོང་རྒྱབ་ཀླུ་ཁང་གི་ཡུལ་ལྗོངས་ལ་ལྟ་ཞིབ་བྱེད་རྒྱུ།
དགུ་པ། ནག་པང་འཆར་འགོད་གླེང་བ།
དུང་རི་གསེར་མཚོའི་གནས་ཡུལ། གནས་བབས། གསེར་མཚོའི་དབྱིབས་བཅས་ནང་དོན་དེ་དག་གི་དུང་རི་གསེར་མཚོའི་གནས་ཡུལ།གནས་བབས། གསེར་མཚོའི་དབྱིབས་བཅས་ནང་དོན་དེ་དག་གི་ཐོག་ནས་སློབ་ཚན་གྱི་ནང་དོན་འབུར་དུ་ཐོན་ལ། དོན་བསྡུས་ཞིང་ཚིག་རྙོག་མེད་པ། ནག་བཀོད་ཀྱི་ནང་དོན་ལ་གཙོ་ཕལ་གྱི་དབྱེ་བ་ཡོད་ལ། ཡིག་གཟུགས་ཁམས་གཙང་ཞིང་སློབ་མས་བལྟ་འདོད་ཀྱི་སྤྲོ་བ་འཕེལ་ཐུབ་པ་སོགས་ཀྱི་རྒྱུ་རྐྱེན་སྣ་ཚོགས་ལ་བརྟེན་ནས་འཆེ་འགོད་བྱས་པ་ཡིན།