ཚིག་རྒྱན་རིག་པ།
1. ཚིག་རྒྱན་རིག་པའི་ཤེས་བྱ།
༡ མང་བའི་དཔེའི་དང་ཟླ་བོ་དངོས་པོའི་དཔེའི་རྩ་ཚིག་བྲིས་དང།
ལན་དུ། ཆོས་མཐུན་དཔེ་འགའི་ཁྱད་ཆོས་གཅིག དོན་ལ་ལྡན་ཞེས་མང་བའི་དཔེ། སྔ་ཕྱིར་དོན་དང་དཔེ་བཀོད་པས། མཉམ་རྟོགས་ཟླ་བོ་དངོས་པོའི་དཔེ།
༢ མང་བའི་དཔེ་ཞེས་པ་གང་མང་བ་ཡིན་ནམ།
ལན་དུ། མང་བའི་དཔེ་ཞེས་པ་ནི་དཔེ་མང་བ་ཡིན།
༣ ཟླ་བོ་དངོས་པོའི་དཔེར་མཚུངས་གསལ་གྱི་སྒྲ་དངོས་སུ་འབྲི་དགོས་སམ།
ལན་དུ། ཟླ་བོ་དངོས་པོའི་དཔེར་མཚུངས་གསལ་གྱི་སྒྲ་དངོས་སུ་འབྲི་མི་དགོས།
༤ མཁས་པ་ཡོན་ཏན་མཛོད་འཛིན་པ། དེ་དག་ལེགས་བཤད་རིན་ཆེན་སྡུད།
རྒྱ་མཚོ་ཆེན་པོ་ཆུ་ཡི་གཏེར། ཡིན་ཕྱིར་ཆུ་བོ་ཐམས་ཅད་འབབ།
(༡)ཚིགས་བཅད་འདི་ལེགས་བཤད་གང་ལས་དྲངས་པ་ཡིན།
ལན་དུ། ས་སྐྱ་ལེགས་བཤད་ལས་དྲངས་པ་ཡིན།
（༢） འདི་ནི་དཔེ་རྒྱན་གྱི་ནང་གསེས་གང་གི་དཔེར་བརྗོད་ཡིན།
ལན་དུ། ཟླ་བོ་དངོས་པོའི་དཔེ་ཡིན།
༥ འདིའི་ནང་གི་དཔེ་དང་དཔེ་ཅན་གང་ཡིན་ངོས་འཛིན་དགོས།
ལན་དུ། ཚིག་རྐང་སྔ་མ་གཉིས་དཔེ་ཅན་དང་། ཕྱི་མ་གཉིས་དཔེ་ཡིན།
北京网笑信息技术有限公司 仅提供技术支持 违法和不良信息举报中心
