ས་སྐྱ་སློབ་འབྲིང་གི༢༠༡༨ལོའི་སློབ་གསོ་སློབ་ཁྲིད་ལས་དོན་
ཐད་བྱ་དགའ་སྤྲོད་པའི་བྱེད་སྒོ་སྤེལ་བ།
༢༠༡༨ལོའི་ཟླ་༡༠པའི་ཚེས་༡གི་ཞོགས་པར། ས་སྐྱ་སློབ་འབྲིང་གི་༢༠༡༨ལོའི་སློབ་གསོ་སློབ་ཁྲིད་ཀྱི་ལས་དོན་ཐད་བྱས་པ་ཅན་གྱི་ཚན་པ་དང་མི་སྒེར་ལ་བྱ་དགའ་སྤྲོད་པའི་མཛད་སྒོ་དེ་ས་སྐྱ་སློབ་འབྲིང་གི་སློབ་ཁུལ་ལ་བྱང་མའི་ལག་རྩེད་སྤོ་ལོའི་ཐང་ཆེན་དུ་ཟབ་རྒྱས་ངང་སྤེལ་བ་རེད།
ཐེངས་དེའི་བྱ་དགའ་སྤྲོད་པའི་བྱེད་སྒོའི་ནང་སློབ་གསོ་སློབ་ཁྲིད་ཀྱི་ཐད་ལ་བྱ་དགའི་རྣམ་གྲངས་༣༤གཏན་འཁེལ་བྱས་ཡོད་པ་དང་། དེའི་ནང་སློབ་མའི་བྱ་དགའི་རྣམ་གྲངས་༡༡གཏན་འཁེལ་བྱས་ཡོད། བྱ་དགའི་དངུལ་ཁྱོན་བསྡོམས་སྒོར་༤༦༣༧༩༠དང་། དེར་སློབ་གསོ་ཅུད་ཀྱི་བྱ་དགའ་སྒོར་༢༡༤༩༠༠དང་སློབ་གྲྭའི་བྱ་དགའ་སྒོར་༢༤༨༨༩༠ཡོད།
ལོ་འདིར་སློབ་གྲྭས་སློབ་གསོ་སློབ་ཁྲིད་ཀྱི་ཐད་མ་རྩ་སྒོར་༦༢༣༨༣༠བཏང་ཡོད་ཅིང་། དེའི་ནང་དགེ་རྒན་གྱི་སློབ་ཚན་འཕར་རྒལ་དང་། སློབ་ཐོན་སློབ་མར་ལེགས་གསོ་ཞན་གསབ་གྲོན་དངུལ་སྒོར་༡༦༠༠༤༠ཚུད་ཡོད། གོང་གསལ་གྲངས་གཞི་དེ་དག་གི་ཐོག་ནས་ས་སྐྱ་རྫོང་མི་དམངས་སྲིད་གཞུང་དང་། ས་སྐྱ་རྫོང་སློབ་གསོ་ཅུད། རང་སློབ་གྲྭའི་དབུ་ཁྲིད་བཅས་ཀྱིས་སློབ་གསོ་སློབ་ཁྲིད་ཀྱི་ལས་དོན་ལ་གཟིགས་མཐོང་ཆེན་པོ་གནང་གི་ཡོད་པ་མཚོན་ཐུབ་པ་མ་ཟད། སློབ་གྲྭའི་དགེ་སློབ་ལྷན་རྒྱས་ཀྱིས་དཔུང་པ་མཉམ་གཤིབ་དང་གཅིག་ཕན་གཅིག་རོགས་བྱས་པའི་འབྲས་བུ་གང་ལེགས་མངོན་ཐུབ་པ་ཡིན།