སློབ་གསོ་ལ་མཐོང་ཆེན་ཤུགས་ཆེན་བྱེད་པའི་དུས་དེ་རིང་སློབ་མས་སློབ་མ་སྐྱོང་བ་དང་། སློབ་མས་སློབ་མ་གཅུན་པའི་སློབ་གསོའི་བྱེད་ཐབས་སྣང་ཆེན་བྱས་ན་དགོས་པ་ཆེན་པོ་གདའ་སྟེ། འདིར་གླེང་བར་བྱ་བ་ནི་ངའི་འཛིན་གྲྭའི་འཛིན་གཙོ་ཕུར་བུ་བསོད་ནམས་ཀྱི་འཚར་ལོངས་ཀྱི་བརྒྱུད་རིམ་ཕྲ་མོ་དེ་ཡིན། ཁོའི་ཕ་ཡུལ་ནི་ས་སྐྱ་རྫོང་བཀྲ་ཤིས་སྒང་བཀྲ་ཤིས་སྦུག་གྲོང་ཚོ་ཡིན་པ་དང་། ཁྱིམ་ཚང་གྱི་ཆ་རྐྱེན་ཅུང་ལེགས་ལ་ཁོའི་གཅན་པོ་ཡང་ནང་སའི་སློབ་གྲྭ་ཆེན་མོ་ཞིག་ཏུ་སློབ་གཉེར་བྱེད་བཞིན་ཡོད།
ངའི་འཛིན་གྲྭར་འཛིན་གཙོ་ལེགས་པོ་ཞིག་འདེམས་པ་ལ་སློབ་གྲྭ་དང་། ཀུན་སྤྱོད་ཁྲུའུ་སོགས་ཀྱི་འཛིནགྲྭའི་ཀྲུའུ་རེན་ཚོགས་འདུའི་ཐོག་ནན་བཤད་ཤུགས་ཆེན་གནང་སོང་ལ། གུས་པའི་ངོས་ནས་ཀྱང་སྔ་འདང་ཕྱི་བསམ་མང་པོ་བྱས་མཐར་སློབ་མ་ཕུར་བུ་བསམ་གྲུབ་འཛིན་གཙོར་བདམས་པ་ཡིན།
དང་ཐོག་ཁོ་པར་འགན་འཁྲིའི་འདུ་ཤེས་དེ་ཙམ་ཆེན་པོ་མེད་ཅིང་། སློབ་མ་མང་ཚོགས་ཀྱིས་ཀྱང་དེ་ཙམ་བརྩི་འཇོག་མི་བྱེད། སློབ་མའི་སྒྲིག་འགལ་གྱི་གནས་ཚུལ་རྟག་ཏུ་མཐོང་རྒྱུ་ཡོད། ངས་ཁོ་པ་ཟུར་དུ་བསྐོང་ནས་འཛིན་གཙོ་ཞིག་ལ་ལྡན་དགོས་པའི་ཆ་རྐྱེན་དོན་ཚན་འགའ་བཤད་པ་དང་། འགན་འཁྲིའི་འདུ་ཤེས་ལྡན་དགོས་ལ་། སྤྱི་སྙོམས་དང་དྲང་གཞག ཐབས་ཀྱིས་གཅུན་ཚུལ་སྐོར་གྱི་སློབ་གསོ་ཐེངས་མང་བྱས་ལ། ཁོས་རེ་གཟའ་ཉི་མའི་མཚན་སྦྱོང་དང་། དགོང་ཚོགས་གསུམ་པའི་སྐབས་སུ་འཛིན་ཚོགས་བསྐོང་བའི་གནས་ཚུལ་ལ་ཟུར་ཉན་དང་ལྐོག་ཉན་ཐེངས་མང་བྱས་ཤིང་གནས་ཚུལ་དངོས་ཡོད་ལ་བསྟུན་ནས་སློབ་གསོ་ཐེངས་མང་བྱས་པས་ད་ཆ་སློབ་མའི་སྒྲིག་འགལ་གྱི་གནས་ཚུལ་ཧ་ལམ་མངོན་རྒྱུ་མེད་ལ། འཛིན་གྲྭའི་མཐུན་ལམ་དང་སློབ་སྦྱོང་གི་ཐད་ལའང་འགྱུར་བ་མངོན་གསལ་བྱུང་ཡོད།
ད་ཆ་ངའི་འཛིན་གྲྭར་ང་མེད་རུང་ཆོག་འོན་ཀྱང་འཛིན་གཙོ་ཕུར་བུ་བསམ་གྲུབ་མེད་ན་འགྲིག་ཐབས་མེད།
བོད་ཡིག་ཚོགས་ཆུང་གི་ཚེགབརྟན་བཀྲ་ཤིས་ནས།