ཙོང་ཁ་པས་ཡུམ་ལ་སྤྲིངས་པའི་ཕྱག་ཡིག

བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ།། བརྩེ་བ་མཚོ་ལས་ཟབ་ཅིང་དུང་བ་རི་ལས་ལྕི་བའི་ཨ་མ་ཤིང་བཟའ་ཨ་ཆོས་ལགས་ཀྱི་དྲུང་དུ། ཁྱེད་དང་ཕུ་ནུ་མིང་སྲིང་ཚང་མ་བདེ་མོ་ཨི་ཡིན། 

顶礼大恩文殊师利！于我情深似海，恩重如山的慈母协萨阿曲 xing bza’ a chos 及所有兄弟姐妹们，你们是否安然无恙？

ཚོང་དཔོན་ནོར་བུ་བཟང་པོ་བརྒྱུད་དེ་བསྐུར་པའི་ཨ་མའི་སྐྲ་ཡི་ལན་བུ་དང་སྲིང་མོས་བཟོས་པའི་སྣམ་བུའི་ཐུལ་བ། ནུ་བོས་ཟི་ལིང་ནས་ཉོས་པའི་བ་སོའི་ཕྲེང་བ། ཕ་རྒན་གྱིས་བེད་སྤྱོད་ལོ་མང་བྱས་པའི་མ་ཎི་ལག་འཁོར་སོགས་འབྱོར་བར་དགའ་སྤྲོ་འཕེལ་ཞིང་། 

儿于今日收到你们托富商罗布桑波从远方带来的物品—母亲的发辫；妹妹做的氆氇垫；弟弟西宁买的象牙念珠；以及父亲用了多年的转经轮，为此我充满欢喜。

དངོས་པོ་འདི་དག་གིས་ང་ཚོ་ལྷན་དུ་འཛོམས་པའི་སྣང་བ་ཞིག་ཀྱང་སྐྱེ་རུ་བཅུག་སོང་། ཁྱད་པར་དུ་ཨ་མའི་སྐྲ་ལོ་དཀར་པོ་འདི་དག་མཐོང་ནས། ང་རང་ཕ་ཡུལ་ན་ཡོད་དུས་ཀྱི་གཞོན་ཉམས་ཆེ་བའི་ཨ་མ་དང་ཨ་ཕ་གཉིས་ཀྱི་གཟུགས་རིས་དེ་ཡང་ཡང་མིག་ལམ་དུ་འཆར། སྟོན་པ་ཐུགས་རྗེ་ཅན་གྱིས། འདུས་བྱས་ཐམས་ཅད་མི་རྟག་པའོ་ཞེས་པའི་གསུང་གི་བདུད་རྩིའི་བྲོ་བ་དེ་ཅི་ཙམ་སྤྱད་ཀྱང་རྫོགས་མཐའ་བྲལ་བའི་སྣང་བ་ཞིག་སྐྱེ་ཡོང་།      

这些东西带给我一种你们仿佛就在身边的亲切感，特别是当我看见母亲的银发，往日我在故乡的时候，双亲年少貌美的样子历历在目。即便反复忆起师尊，告诫自己诸法无常，仍难断心中思念之情。

ལོ་ཤས་སྔོན་ཨ་ཕ་འཇིག་རྟེན་ཕྱི་མའི་མགྲོན་དུ་ཆས་པའི་ཡི་གེ་དེ་འབྱོར་བ་དང་། དེ་རིང་ཡང་ཨ་མའི་དུང་ལྟར་དཀར་བའི་དབུ་སྐྲའི་ལན་བུ་འདི་དག་མཐོང་བའི་རྐྱེན་གྱིས། ང་རང་ཕ་ཡུལ་ཙོང་ཁ་བདེ་ཁམས་སུ་ལན་གཅིག་ཡོང་འདུན་ཤིན་ཏུ་ཆེ་མོད། དེང་གི་དུས་འདི་ནི་ང་རང་གིས་རྗེ་བླ་མ་རེ་འདའ་བ་ལས་དམ་པའི་ཆོས་ཀྱི་བདུད་རྩི་ཟབ་མོའི་དཔལ་ལ་ལོངས་སུ་སྤྱོད་བཞིན་པའི་དུས་སྐབས་གལ་ཆེན་པོ་ཞིག་ཡིན་ཞིང་། རྗེ་བླ་མ་འདི་སྐུ་ན་ཧ་ཅང་སྨིན་ཀྱང་ཁོ་བོ་ཐུགས་ལ་ཤིན་ཏུ་བཏགས་ནས་མདོ་སྔགས་ཆོས་ཚུལ་གང་ཞུས་དཔེ་མཁྱུད་མེད་པར་གནང་བཞིན་པའི་བཀའ་དྲིན་འཁོར་ཐབས་མེད་པ་ཞིག་ཏུ་ཡོད་པས། ལོ་ཤས་རིང་བླ་མ་འདི་ཁོ་ནའི་ཉེ་འཁོར་ཞིག་ཏུ་བསྡད་ནས་ཐོས་བསམ་སྒོམ་པ་ཡ་མ་བྲལ་བ་ཞིག་བྱེད་རྩིས་ཀྱི་འཆར་གཞི་བཏིངས་ཟིན་པས། ཨ་མ་ལགས་ཀྱིས་གཙོས་པའི་ཤ་ཉེ་རིང་ཚང་མར་གནས་སྐབས་ཐུག་འཕྲད་དུ་ཡོང་ཐུབ་མ་བྱུང་ན་ཡང་། 

几年前收到父亲已故的消息，今天又收到如吉祥海螺色般的母亲的发丝。虽然我急切想回故乡宗喀一次，但近日正值儿于大恩上师仁达哇 re ’d’ ba 领受佛法甘露之重要时段，上师虽已年迈高寿，却不辞劳累，显密教法无所不通，有问必答之，大恩大德无以为报。我决意在此师近旁闻思修，母亲在上，虽然在一段时间内无缘和你以及众兄弟姐妹团圆。

རང་རེ་ཚང་མ་ད་རེས་ཀྱི་ཡུན་ཐུང་གི་མི་ཚེ་འདིར་ཤ་ཁྲག་གཉེན་གྱི་འབྲེལ་བ་ཟབ་མོ་ཞིག་གིས་ཡོངས་སུ་བཅིངས་ཡོད་པས། ཁྱེད་རྣམས་ཀྱིས་ང་སེམས་ལ་བཅིངས་ནས་དམ་པ་ཆོས་དང་འཚོ་བའི་ཉེར་མཁོ་ཡང་ཡང་བསྐུར་པ་དང་། ངས་ཀྱང་ཉི་མ་རེ་རེའི་ཉམས་ལེན་གྱི་སྐབས་སུ་ཁྱེད་ཅག་སེམས་ལ་བཞག་ནས་བསྔོ་བ་སྨོན་ལམ་གང་ཟབ་བཏབ་དང་འདེབས་བཞིན་ཡོད། 
在此短暂人生里我们有幸成为骨肉至亲，你们放我在心里，时时给我寄来佛法及生活用品，我亦在每天修行之时为你们祈愿，并把所有功德回向给你们。

ཨ་མ་ལགས། གལ་སྲིད་ངེད་མ་བུ་གཉིས་ཚེ་འདིར་དངོས་སུ་མཇལ་བའི་སྐལ་བ་མེད་པ་ཡིན་ན། སྐྱེ་བ་ཕྱི་མར་དགའ་ལྡན་ཡིད་དགའ་ཆོས་འཛིན་དུ་རྒྱལ་ཚབ་བྱམས་པ་མགོན་པོའི་དྲུང་དེར་ཚེ་འདིའི་མ་བུ་བཞིན་དུ་སླར་ཡང་མཇལ་བའི་སྨོན་ལམ་ཞུ

母亲：如果我们母子此生无缘再相见，但愿来生在甘丹胜喜妙境处，于未来佛前如今世母子一般.

ཡི་གེ་བསྐུར་རྟེན་དུ་ང་རང་གི་ཁྲག་གིས་བཞེངས་པའི་ངའི་སྣང་བརྙན་བྱོན་ལེགས་ཤིག་དང་རྒྱ་གར་ནས་ཐོན་པའི་བྱང་ཆུབ་ཤིང་འབྲས་ཀྱི་ཕྲེང་བ་གསུམ། དབུས་ཀྱི་སྣམ་བུ་སེར་པོ་ལས་བཟོས་ཤིང་ང་རང་གིས་ལོ་མང་གྱོན་ཟིན་པའི་པཎ་ཞྭ་སེར་པོ་ཞིག རྒྱ་ཤོག་བཟང་པོའི་ངོས་སུ་ང་རང་གི་ལག་བྲིས་མའི་བྱང་ཆུབ་སེམས་དཔའ་རྟག་ཏུ་ངུའི་རྟོགས་བརྗོད། ངས་ལེགས་བཤད་གསེར་ཕྲེང་རྩོམ་སྐབས་ཀྱི་སྣག་བུམ་དང་སྨྱུ་གུ་གསུམ་བཅས་ཕུལ་ཡོད།

ཁྱེད་ཀྱི་བུ་ཤར་ཙོང་ཁའི་ཡུལ་ནས་དབུས་འགྱུར་ཆོས་ཀྱི་ཞིང་སར་བསླེབས་པའི་དགེ་སློང་བློ་བཟང་གྲགས་པས་ཟླ་ཚེས་ཤིན་ཏུ་དགེ་བར་ཕུལ།