11.ཅི་འདྲ་ཞིག་ལ་ཚེག་བར་ཡ་ཟེར།
ལན་དུ། ཚེག་བར་གཅིག་རྐྱང་བྱས་ནས་འདོན་དགོས་པ་ལ་ཟེར།
12.མིང་འདོགས་སྟངས་ཀྱི་ཆ་ནས་དབྱེ་ན་ག་ཚོད་ཡོད།
ལན་དུ། གཉིས་ཏེ། འདོད་རྒྱལ་གྱི་མིང་དང་རྗེས་གྲུབ་ཀྱི་མིང་བཅས་སོ།
13.བོད་ཀྱི་ལེགས་བཤད་ཆེན་མོ་བཞི་གང་དང་གང་ཡིན།
ལན་དུ། 《ས་སྐྱ་ལེགས་བཤད་》དང་།《དགེ་ལྡན་ལེགས་བཤད་》དང་།《ཆུ་ཤིང་བསྟན་
བཅོས་》དང་།《རྒྱལ་པོ་ལུགས་ཀྱི་བསྟན་བཅོས་》སོ།།
14.《ཆུ་ཤིང་བསྟན་བཅོས་》ལ་མཚན་དེ་ལྟར་བཏགས་དོན་ཅི་ཡིན།
ལན་དུ། བརྗོད་བྱའི་དོན་དེ་དཔེ་ཆུ་དང་ཤིང་གི་ངོ་བོ་དང་། བྱེད་ནུས། ཕན་པ་སོགས་ལ་སྦྱར་ནས་བྱ་བའི་བླང་དོར་དང་འཇུག་ལྡོག་གི་གནས་རྣམས་མ་ནོར་བར་ཁ་གསལ་བའི་སྒོ་ནས་བསྟན་པ་ལ་ཆུ་ཤིང་བསྟན་བཅོས་ཟེར།
15.བརྡ་ཐོའི་གོ་དོན་གང་ཡིན།
ལན་དུ། གཏན་འཁེལ་བྱས་ཟིན་པའི་ལས་དོན་ཞིག་འབྲེལ་ཡོད་ལས་ཁུངས་སམ། མི་སྒེར་ལ་བརྡ་སྤྲོད་བྱེད་དུ་སྤྱོད་པའི་ཡི་གེ་ཞིག་ལ་ཟེར།