བོད་ཡིག་གཏམ་དཔེ།།

གཏམ་དཔེ་ཕྱོགས་སྒྲིག

1སྐྱིད་པོ་ཉིས་རྩེག་མེད་པར་སྡུག་པོ་གསུམ་རྩེག

བྱ་བ་སོགས་ལམ་ལྷོང་མ་བྱུང་བར་དཀའ་ངལ་རྒྱུན་མཐུད་ནས་འཕྲད་པའམ་ཆག་སྒོ་གཅིག་རྗེས་གཉིས་མཐུད་དུ་ཐོན་པས་ལུས་སེམས་གནས་ཟོད་མི་བདེ་བར་གྱུར་བ་སྟེ།མི་ཚེའི་ནང་དཀའ་སྡུག་སྣ་ཚོགས་འཕྲད་ཀྱང་ནམ་ཞིག་ལམ་ལྷོངས་ཡོང་ངེས་པས་དཀའ་ངལ་གྱི་མདུན་དུ་མགོ་སྒུར་མི་རུང་བའོ།

2ཁྱོ་ཕྱུག་ཆུང་མ་གྲུང་།།

སྤྱིར་ཁྱིམ་ཚང་གི་འགན་འགོ་དེ་འཇོན་ཐང་ཆེ་ན་དེའི་ཤུགས་ཀྱིས་དེའི་ཆུང་མ་ཡང་རང་བཞིན་

3སྡུག་རེས་བྱུང་ན་ལབ་རེས།

མི་སུ་དང་སུ་ཡིན་རུང་མི་ཚེའི་ནང་དཀའ་སྡུག་དང་ཆག་སྒོ་ནམ་ཡོང་ཆ་མ་མཆིས་པས་གཞན་ལ་ཆག་སྒོ་དང་བར་ཆད་འབྱུང་ན་དེར་རོགས་ཅི་ཐུབ་ལྟ་བ་ལས་ངན་ལབ་བྱ་མི་རུང་བ་བསྟན།

4བུ་སྐྱེས་པ་ལ་མིང་།

བུ་སྐྱེས་པ་ལ་མིང་འདོགས་དགོས་པ་དང་ཆང་དྲངས་པ་ལ་གཏམ་གཏོང་དགོས་པ་བཞིན་བྱ་

དངོས་གང་དང་གང་ཡིན་རུང་སོ་སོའི་བྱ་ལུགས་དང་དམིགས་ཡུལ་ཡོད་དགོས་པས་བྱ་དངོས་ཀྱི་ཆོས་ཉིད་དང་བྱ་བའི་སྒྲུབ་ལུགས་དང་བསྟུན་ནས་བྱ་བ་བསྒྲུབ་དགོས་པའི་གནས་ལུགས་བསྟན།

5མི་ངན་ལ་དབང་བསྐུར་ན་ཆུ་ངན་བྲེ་ལ་འཇལ།

མི་ངན་ལ་དབང་བྱུང་ན་ཁྲིམས་མེད་ལུགས་མེད་ཀྱི་བྱ་བ་སྣ་ཚོགས་བྱེད་སྲིད་པས་དཔོན་བསྐོ་བའི་ཐད་ལ་གཟབ་གཟབ་བྱ་དགོས་པའི་གནས་ལུགས་བསྟན།

6རྔ་གདང་རྒྱུག་དང་དུད་པ་ལང་རྒྱུག

7ཕ་སེམས་བུ་ཐོག

ཕ་མས་ལུས་ངག་ཡིད་གསུམ་གྱི་བྱ་ཐམས་ཅད་རང་གི་བུ་ཕྲུག་གི་དོན་དུ་བྱེད་ཀྱང་བུ་ངན་འགའ་རེས་ཕ་མའི་བཀའ་དྲིན་གསོ་རྒྱུ་ལྟ་ཞོག་དྲིན་ལན་ལོག་འཇལ་བྱེད་ངེས་པའི་དོན་སྟེ་དོན་དུ་ཕ་མའི་བཀའ་དྲིན་གསོ་དགོས་པའི་གནས་ལུགས་བསྟན།