སྒྲ་རྒྱན་རང་གདམས་ཀེ་ཏ་ཀ།
སྨྲ་བ་དག་དིག་སྨྲ་ལྕེ་ལྷག་ལྷོག་གིས་མ་གཡོ། །
སེམས་ཉིད་ཚམ་ཚོམ་སེམས་ཀྱིས་དམ་དུམ་དུ་མ་ཆོད། །
རང་སེམས་གྱ་གྱུ་རང་གཞན་ཞར་ཞོར་ལ་མ་དཀྲུགས། །
འཆི་ལམ་ཀྱག་ཀྱོག་འཆི་བདག་ཧལ་ཧོལ་དུ་མ་བརྗེད། །
རྔན་པའི་མངར་རྡེལ་ཙག་ཙིག་དམིགས་འབེན་རང་ཨེ་རེད། །
ཁ་གཡང་ཚིག་སྙན་ཟོལ་ཟོག་སྒུལ་ཤུགས་སུ་མ་སོམས། །
རང་གཞན་ཕན་གནོད་ཁ་ཁོག་རྒྱབ་འགལ་ལ་སོང་ན། །
ཁ་སྙན་ཚིག་སྙན་ཉག་ཉོག་སྙིང་ཁོང་ལ་གཟན་ཡ། །
རིགས་བཟང་རིགས་ངན་གཟིགས་པའི་ཡེ་ཤེས་ཀྱི་སྤྱན་ཟུང་། །
དོན་མེད་དོན་ལྡན་འབྱེད་པའི་ཤེས་རབ་ཀྱི་བདག་པོ། །
རང་ཕན་གཞན་ཕན་སྒྲུབ་པའི་དཔག་བསམ་གྱི་ལྗོན་པ། །
རོང་སྨྱོན་འབྲོག་སྨྱོན་ཡིད་ཀྱི་སྨོན་ས་རུ་ངེས་སོ། །
ཞར་ཞོར་འཁྲི་སྒྲུབ་དམ་དུམ་རང་སྒྲུབ་ལ་མ་གཞོལ། །
ཟོལ་ཟོག་སྨྲ་བ་ཤབ་ཤུབ་རང་རྒྱལ་དུ་མ་དམིགས། །
འལ་འོལ་ཆེ་འགྱངས་ཙག་ཙིག་རང་ཚེ་འདི་མ་འཛད། །
ཡམ་ཡོམ་གོམ་བགྲོད་རྟབ་རྟོབ་རང་རིགས་ལ་མ་གཟན། །
རང་བདེའི་ཞབས་ཟུང་གཞན་བདེའི་མགོ་གནོན་པོ། །
ངལ་བའི་མཚམས་འབྱེད་བདེ་བའི་དང་བླངས་པ། །
བརྩོན་པའི་བཀག་རྡོ་འབྲས་བུའི་བདག་གི་བ། །
དུས་འདིའི་བྲིན་པོ་དུས་འདིའི་རིམས་ནད་ལགས། །