བྱམས་བརྩེ་བཀའ་དྲིན་ཅན་གྱི་ཕ་མ་གཉིས།
ཕ་མ་ཁྱེད་གཉིས་ནི་ང་རང་སྲིད་པའི་འཇིག་རྟེན་འདིའི་ཐོག་ཡོང་མ་ཐག་ཐེངས་དང་པོར་ང་ལ་ལྟ་སྐྱོང་གནང་མཁནརེད། དེ་བས། ནམ་མཁའི་རྟ་བདུན་དབང་པོ་དང་གཉིས་སུ་མཆིས།
ང་རང་ལ་ཁྱེད་ཟུང་གིས་ཆུང་སྦར་མོ་གང་ནས་གང་དགའ་གང་སྐྱིད་ཀྱིས་བྱམས་སྐྱོང་གནང་གིན་དུ་གསོས་ལ། ཁྱེད་གཉིས་ཀྱིས་དཀའ་ངལ་ཡོད་རྒུ་ཁྱད་དུ་སད་ནས། ཡོང་འབབ་ཕྲན་བུའི་ཆེད་དུ་ལས་ཀ་སྣ་ཚོགས་ལས་ནས་ཁྱིམ་ཚང་འདི་སྐྱོང་ཐབས་བྱས། དེ་བས། ཁོང་གཉིས་ཀྱིས་ང་ལ་ཕལ་ཆེར་གཟའ་འཁོར་གཉིས་རེ་ལ་སྟོད་གོས་གསར་པ་རེ་ཉོ་གི་ཡོད། འོན་ཀྱང་། ཁོང་གཉིས་སོ་སོ་ལ་ཉོ་བ་ནི་ཧ་ཅང་མཐོང་དཀོན།
བཀའ་དྲིན་ཅན་གྱི་ཕ་མ་གཉིས། ཁྱེད་ཅག་སྐུ་ལས་ཁག་སོང་། ཁྱེད་ཉིད་ཀྱི་ཆུ་མོ་ལས་རིང་བའི་ངང་རྒྱུད་དང་། བལ་ལས་འཇམ་པའི་གཤིས་ཀ གངས་རི་ལས་དཀར་བའི་ཐུགས་སེམས་ནི་ངས་སེམས་གཏིང་ལ་ངེས་ཡོད་ལ། ཁྱེད་གཉིས་ཀྱིས་ང་རང་སློབ་གྲྭའི་ཤེས་རིག་གི་སྐྱེད་ཚལ་དུ་བསྐྱལ་བྱུང་། གཤིས་བཟང་ངག་འཇམ་གྱི་བསླབ་བྱ་གནང་ཐེངས་རེ་ལ། སློབ་གྲྭ་རུ་རྒན་ལགས་ལ་གུས་ཞབས་བྱེད་དགོས་པ་མ་ཟད། སློབ་གྲོགས་དབར་ལ་མཐུན་སྒྲིལ་དགོས་པ་དང་། གཤིས་རྒྱུད་དྲང་བའི་སློབ་མར་ཁ་མིག་ཡར་ལྟ་བྱེད་དགོས་པའི་ཁ་ཏ་བསླབ་བྱ་གནང་གི་ཡོད།
དྲིན་ཆེན་ཕ་མ་ནི་གུས་པར་འོས་ཤིང་བརྗེད་དུ་མེད་པའི་ལམ་སྟོན་སྒྲོན་མེ་ཡིན་ལ། ཚེ་སྲོག་གི་ལུས་རྟེན་སྦྱིན་མཁན་དང་མ་འོངས་ལམ་སྣེ་རྡོག་པས་སྣོན་རོགས་ཡིན་ལགས་པས། ཕ་མ་ཟུང་གི་བཀའ་དྲིན་ནི་རི་རབ་ལས་ལྕི་ཞིང་གཙང་པོ་ལས་རྒྱུན་རིང་། བདག་གིས་ཤེས་བྱའི་དཔལ་འབར་ལག་ཏུ་ཐོགས་ཏེ་དྲིན་ཆེན་ཕ་མའི་སྐུ་དྲིན་འཇལ་ཐུབ་པ་བྱེད་ཀྱི་ཡིན།
