ཕྱི་ལོ༢༠༢༡ལོའི་ཟླ༤ཚེས༣༠ཉིན་གྱི་ཕྱི་དྲོའི་ཚོགས་ཐུན་གསུམ་པར། རང་སློབ་གྲྭའི་གཞོན་ནུ་ལོ་ཆུང་ལྟེ་གནས་སུ། དགེ་སློབ་ཡོངས་ཀྱི་ཡིག་གཟུགས་བརྩམས་ཆོས་འགྲེམས་སྟོན་དང་དཔྱད་འདེམས་ཀྱི་བྱེད་སྒོ་ཞིག་སྤེལ་བ་རེད། ད་ཐེངས་ཡིག་གཟུགས་དཔྱད་འདེམས་ཀྱི་་བྱེད་སྒོ་སྤེལ་ཚུལ་ནི། ནང་དོན་ཆ་ནས་དགེ་སློབ་ཚང་མར་ཚད་བཀག་ཤུགས་ཆེན་མེད་པར་གཙོ་བོ་ཀྲུང་གོ་གུང་ཁྲན་ཏང་དང་རང་རེའི་མེས་རྒྱལ་གྱི་བཀའ་དྲིན་དྲན་པའམ། ཡང་ན་སྔོན་བྱོན་མཁས་པའི་དབང་པོའི་ཞལ་གདམས་དང་ལེགས་བཤད་རྨ་མེད་པ་བཅས་ལས་གང་རུང་འབྲི་རྒྱུར་བཀོད་སྒྲིག་བྱས་ཡོད་ལ། དགེ་རྒན་ལས་བཟོའི་ཡིག་གཟུགས་བརྩམས་ཆོས་ཀྱི་ཡིག་གཟུགས་ལ་དབུ་ཅན་དང་། འབྲུ་ཚ། འཁྱུག་ཡིག ཚུགས་མ་འཁྱུག དཔེ་ཚུགས། ཚུགས་ཐུང་། ཚུགས་རིང་སོགས་གང་རུང་འབྲི་ན་འཐུས་ཤིང་།
དཔྱད་གདེམས་པར་རྒན་དོན་གྲུབ་ཚེ་རིང་ལགས་གདན་ཞུ་བྱས་པ་ཡོད་པ་དང་། སློབ་མའི་ཡིག་གཟུགས་བརྩམས་ཆོས་རྣམས་ལོ་རིམ་ཁག་བགོས་བྱས་ཡོད་དེ་དག་རིམ་པ་བཞིན། ལོ་རིམ་བདུན་པའི་སློབ་མའི་ཡིག་གཟུགས་བརྩམས་ཆོས་རྣམས་ལོ་རིམ་བརྒྱད་པའི་བོད་ཡིག་སློབ་ཁྲིད་རྒན་ལགས་རྣམ་པས་དཔྱད་འདེམས་བྱས་པ་དང་། ལོ་རིམ་བརྒྱད་པའི་སློབ་མའི་ཡིག་གཟུགས་བརྩམས་ཆོས་རྣམས་ལོ་རིམ་དགུ་པའི་བོད་ཡིག་སློབ་ཁྲིད་རྒན་ལགས་རྣམ་པས་དཔྱད་འདེམས་བྱས་པ། ལོ་རིམ་དགུ་པའི་སློབ་མའི་ཡིག་གཟུགས་བརྩམས་ཆོས་རྣམས་ལོ་རིམ་བདུན་པའི་བོད་ཡིག་སློབ་ཁྲིད་རྒན་ལགས་རྣམ་པས་དཔྱད་འདེམས་བྱས་པ་བཅས་ཀྱི་བྱ་ཐབས་སྤྱད་ཡོད་ཅིང་། སློབ་མའི་ཡིག་གཟུགས་བརྩམས་ཆོས་ལ་ཡིག་གཟུགས་ཐད་སློབ་འབྲིང་སློབ་མས་རྒྱུན་གཏན་ནས་སུག་འབྲི་བགྱི་འོས་ཀྱི་ཚུགས་མ་དང་འཁྱུག་མ་ཚུགས་གཉིས་ གཏན་འཁེལ་བྱས་ཡོད། ད་ཐེངས་འགྲན་བསྡུར་དཔྱད་འདེམས་ཀྱི་ལས་དོན་ཁྲོད་བོད་ཡིག་དགེ་རྒན་ཚང་མས་ཧུར་བརྩོན་གྱིས་ཐེ་ཞུགས་དང་ཕྱར་བ་གྲུ་འདེགས་ཀྱིས་དཔྱད་འདེམས་གནང་བ་བརྒྱུད། དཔྱད་འདེམས་ལས་དོན་ཧྲཔོ་ལུགས་མཐུན་དྲང་བཞག་དང་། བདེ་བླག་ངང་ལེགས་གྲུབ་ཐུབ་པ་བྱུང་ཡོད།