དཀར་ཕྱོགས་རྣ་ཡི་བདུད་རྩིའི་བུམ་པ་ཞིག །
ནག་ཕྱོགས་སྣ་ལ་རྡེག་བྱེད་བེར་ཀ་ཆེ། །
རིས་མེད་ཀུན་ལ་དགོད་སྒྲའི་ཆར་འབེབས་པོ། །
སྒྱུ་མ་སྒྱུ་མར་ཤར་བའི་སྟོང་ཉིད་པ། །
མཁྱེན་ནོ་སྤྱན་རས་གཟིགས་དབང་སྙིང་ཁོང་དུ་རྩེན་རོགས། །
འཇམ་དཔལ་དཔའ་བོའི་ཡེ་ཤེས་མིག་ཟུང་ལ་བསྩལ་ནས། །
ས་ཕག་གནམ་ལོ་འདི་ནས་ཆོད་སེམས་འདི་བཞེས་ཤིག །
རྒྱུད་དག་པ་འོད་གསལ་ལྷ་ལས་མཆེད་གླེང་གིས། །
རྒན་ཕ་ལོའི་ངག་རྒྱུན་བདེན་པ་ཡིན་ངེས་ན། །
ངེད་བུ་ལོས་འདང་རྒྱག་བྱ་རྒྱུ་དེ་ཕྱི་གི །
ས་ཕག་གནམ་ལོ་འདི་དང་ཉ་ཉུང་ཡང་མ་འདྲེས། །
ས་བདག་ཕག་གཤིས་འབངས་ཁོལ་ཞོ་ལོ་བཞིན་དཀྲོགས་ན། །
ཕག་མོ་གྲུ་པའི་མཛད་པ་ལས་འབྲས་དང་མཐུན་གི །
ཁ་ཁོག་ཁ་བ་རི་པ་རྒྱུ་སྤུན་བཞིན་སྒྲིམས་ཤོག །
གསར་སྐྱེས་གསར་བུའི་ཁ་ཕྱོགས་མེ་ལོང་བཞིན་སྟོན་རོགས། །
དགེ་མིང་དགེ་ལས་གངས་དཀར་རི་བོ་བཞིན་བརྟན་ཤོག །
ལྔ་རིག་རིག་གཞུང་ཆུ་བཞིའི་རྒྱུན་བཟང་ལ་འགྲན་ཆོག །
གངས་ཕྲུག་གངས་གཞོན་སྐུ་བཞིའི་གོ་འཕང་ལ་ཁོད་ན། །
རོང་སྨྱོན་རོང་འབྲོག་བདུད་བཞི་ངམ་ངམ་ལ་ཞི་ཡོང་། །
སྒྲ་གཞུང་གཞུང་ལུགས་མཁས་པའི་ཞི་མོ་ཡང་བསྐྱངས་དགོས། །
སྒྲ་སྙན་སྙན་ཚིག་རྩོམ་པའི་རྩལ་ལག་གིས་ཕྱུག་ལ། །
སྒྲ་དབྱངས་དབྱངས་ཀྱི་ཡབ་ཡུམ་ལག་འདང་ཞིག་སྦྲེལ་ཤོག །
ཁ་ལྗོངས་ལྗོངས་རྣམ་སྟོན་པའི་སྟོན་པ་རུ་སྒོམས་ཤིག །
ཁ་ཐག་ཐག་རིང་མིག་རྒྱང་མིག་ཟུང་གིས་གཟིགས་ན། །
ཁ་ཞེ་ཞེ་གཅིག་ཁ་བའི་ཁ་སྟབས་ལ་ཕྱོགས་ཡོང་། །
རྒྱན་བྱང་གཟིག་གི་རྒྱལ་པོ་རྒྱང་རིང་ལ་སྐྱུར་ཆོག །
རྒྱན་མཆོག་ལྔ་ཟུང་གངས་སེང་དཀར་མོ་དེ་མཆོད་ཆོག །
རྒྱན་གྱི་དྭངས་མ་གངས་རིའི་ཁྱུང་ཆེན་དག་གསོ་ལ། །
རྒྱན་མེད་ཚིག་གི་དམ་བཅའ་དག་མ་འདི་འབུ