དོན་གོ་ཆུང་།
ཚེ་བརྟན་དབང་གྲགས།
རྒན་པར་རིག་གནས་ཤེས་བྱ་དགོས།
རྒན་པ་རྣམས་ལ་དེ་མེད་ན།
ངོ་མ་ནེ་ཙོའི་འདོན་པ་འདྲ།
ཡིག་དྲུག་སྐྱོར་ཡང་དོན་གོ་ཆུང་།
དར་མར་རིག་གནས་ཤེས་བྱ་དགོས།
དར་མ་རྣམས་ལ་དེ་མེད་ན།
ངོ་མ་འགྲན་རྩོད་སྤྱི་ཚོགས་འདིར།
བཞུགས་པ་ཙམ་ལས་དོན་གོ་ཆུང་།
བུ་མོར་རིག་གནས་ཤེས་བྱ་དགོས།
བུ་མོ་རྣམས་ལ་དེ་མེད་ན།
ངོ་མ་དབྱར་གསུམ་མེ་ཏོག་འདྲ།
སྐྱེ་འབྲས་མཚར་ཡང་དོན་གོ་ཆུང་།
རང་རིགས་ཚོགས་ལ་བྱམས་སེམས་དགོས།
རང་རིགས་ཚོགས་ལ་དེ་མེད་ན།
ངོ་མ་གདོང་དམར་བོད་ཕྲུག་ཁྱོད།
སྟོན་པ་མཇལ་ཡང་དོན་གོ་ཆུང་།