བོད་ཡིག་ རྒྱུགས་དཔེ་

༄༅། །མཐོ་འབྲིང་དང་འབྲིང་རིམ་ལས་རིགས་སློབ་གྲྭར་སློབ་མ་བསྡུ་བའི་གཅིག་གྱུར་རྒྱུགས་ཤོག

བོད་སྐད་ཡིག་རྒྱུགས་དཔེ།

དོ་སྣང་བྱ་རྒྱ།

1.རྒྱུགས་ཤོག་འདིར་ཤོག་ལྷེ6ཡོད།དྲི་གཞི་ཆེ་བ་བཞི་ལ་ཁྱོན་སྐར་མ100ཡོད། ཡིག་ཚད་གཏོང་ཡུན་སྐར་མ120ཡིན།

2.རྒྱུག་སྤྲོད་མཁན་གྱིས་རྒྱུགས་ཤོག་དང་།ལན་འདེབས་ཤོག་བྱང་བླངས་རྗེས།སྔོན་ལ་རང་གི་རུས་མིདང་རྒྱུགས་གཏོང་ཆོག་པའི་ལག་འཁྱེར་ཨང་གྲངས་དག་ལན་འདེབས་ཤོག་བྱང་ཐོག་གཏན་འཁེལ་བྱས་པའི་གནས་སུ་བྲིས་རྗེས།ཐིག་རིས་གསང་རྟགས（条形码）སྦྱར་དགོས།

དང་པོ།  གསོག་འཇོག་དང་བེད་སྤྱོད།    （བསྡོམས་སྐར 35 ）

གཅིག   གདམ་གསེས་དྲི་གཞི།    སྐར། 10

1.       བོད་སྐད་དང་བོད་ཡིག་གཉིས་ནི་བོད་མི་རིགས་གནས་ཐུབ་མིན་གྱི（    ）ལྟ་བུ་ཡིན།

A མཛེས་རྒྱན།       B བླ་སྲོག       C ཐོན་དངོས།

2.       ལས་སུ་བྱ་བ་ཞེས་པའི་ལས་དང་དོན་གཅིག་པ་ཡིན་པ་ནི（        ）ཡིན།

A བྱ་བའམ་བྱ་ཚིག    B ལ་དོན་གྱི་ཕྲད།     C བྱ་བའི་ཡུལ།

3.       གང་ཞིག（         ）ཙམ།   བརྗོད་པ་རྣམ་དབྱེ་དང་པོ་ཡིན།

A དོན་གྱི་ངོ་བོ་ཙམ།   B མིང་གི་ངོ་བོ།      C  ཚིག་གི་ངོ་བོ།

4.       “ནོར་རིན་ཆེན་ལྟ་བུའི་ཤེས་ཡོན་དེ” ཞེས་པའི་དཔེ་ཅན་ནི(        )ཡིན།

A ཤེས་ཡོན།     B ནོར་རིན་ཆེན།     C  ལྟ་བུ།

5.       བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཞེས་པའི“ལྷུན་གྱིས་གྲུབ”ནི་བྱེད་སྒྲ(    )ལ་འཇུག

A བྱེད་སྒྲ་རྒྱུ་མཚན་སྟོན་པ།    B  བྱེད་སྒྲ་ངང་ཚུལ་སྟོན་པ།    C བྱེད་སྒྲ་རྗེས་མཐུན།

6.       གཤམ་གསལ་ལས་བོད་ཀྱི་སྒྲུང་གཏམ་རྩོམ་ཡིག་ཡིན་པ་ནི(     )ཡིན།

A མཱ་ཇིའི་ལག་རྟགས།      B  བདག་གི་ཁུ་བོ་ཡུ་ལེ།      C གཙུག་གཡུ།

7.       གཤམ་གསལ་ལས་དག་ཆ་ཡང་མི་དག་པའི་སྡེ་ནི།（     ）ཡིན།

A བཀའ་བཀྱོན།     བཤེས་གཉེན།    ཁ་ལུད།     མཐོན་མཐིང་།

B འཁྱོས་མ།     དན་རྟགས།      ཡིད་རྟོན།      མཛའ་གྲོགས།

C ཚིག་བཅད།     སྐྱུས་མ།      གཞུང་གྲང་།       སྐྱོ་དུང་།

8.       སྲོང་བཙན་གྱིས་དར་དམར་པོའི་ཐོད་བཞེས་པ་དང་།  ཟ་འོག་གི་བེར་མནབས་པ།  ཕྱགས་ལྷམ་སྣེ་འཁྱིལ་གྱོན་པ་སོགས་ནི་མི་སྣའི(      )གསལ་བཤད་བྱེད་པ་ཡིན།

A ཕྱིའི་རྣམ་པ།      B བྱ་བྱེད།      C སེམས་ཁམས།

9.       བྱས་པ་ཤེས་ཤིང་དྲིན་དུ་གཟོ།། ཕ་མ་ལ་གུས་རང་བཞིན་དྲང་། ། གཞན་ལ་མི་འཚེ་རང་ཚུགས་ཐུབ། །  དེ་དག་སྐྱེས་བུ་བཟང་པོ་ཡིན།  ཞེས་པའི་ཚིགས་བཅད་ཤོ་ལོ་ཀ་འདིས(           )ཡིན། 

A མི་སྣ་བཟང་པོའི་ལེགས་ཆ་བཤད་ཡོད།  B  མི་སྣ་ངན་པའི་ཞན་ཆ་བཤད་ཡོད།

C མི་སྣ་བཟང་ངན་གཉིས་ཀའི་ལེགས་ཞན་བཤད་ཡོད།

10.    མཁས་པ་ཡོན་ཏན་མཛོད་འཛིན་པ། ། དེ་དག་ལེགས་བཤད་རིན་ཆེན་སྡུད།  །

རྒྱ་མཚོ་ཆེན་པོ་ཆུ་ཡི་གཏེར།། ཡིན་ཕྱིར་ཆུ་ཕྲན་ཐམས་ཅད་འབབ། །ཅེས་པའི་ཚིགས་བཅད་འདི་དཔེ་རྒྱན་གྱི་ནང་གསེས（  ）ཡིན།

ཀ   རབ་བཏགས་ཀྱི་དཔེ།       ཁ  བརྗོད་འདོད་ཀྱི་དཔེ།     ག  ཟླ་བོ་དངོས་པོའི་དཔེ།

གཉིས།  གཤམ་གསལ་མངོན་བརྗོད་ཁག་ངོས་འཛིན་དགོས།   སྐར།  6

11.    དབྱིག་གི་བློ་གྲོས་མ།(           )  ས་འཛིན།(        )   འབྱུང་པོ་འཛིན(          )

དབྱིག་གི་ཁུ་བ།   (           )    སྒྲ་འཛིན།(       )   འབྱུང་པོའི་བྱ།(           )

གསུམ།  སྟོང་ཆ་སྐོང་དགོས།   སྐར།    10

12.    ཤར་རྡོ་རྗེ་གདན་གྱི་བྱང་ཕྱོགས་ན།   གནས་པུར་རྒྱལ             ཅེས་བྱ་བ་ཡོད།

13.    ང་ཚོས་སློབ་སྦྱོང་དང་།  ལས་དོན།  ཐོན་སྐྱེད་སོགས་ཀྱི་ལས་འགན་སྒྲུབ་སྐབས་སྔོན་ལ་ལས་འགན་དེ་ཇི་ལྟར་བསྒྲུབ་རྒྱུའི་བཀོད་སྒྲིག་གམ་སྔོན་རྩིས་ཤིག་ཡོད་དགོས་ཤིང་།དེ་ལྟའི་བཀོད་སྒྲིག་གི་སྔོན་རྩིས་དེ་ཡིག་ཐོག་ཏུ་བཀོད་པ་ལ       ཟེར།

14.    སྐ་ཅོག་ཞང་གསུམ་ནི་སྐ་བ་དཔལ་བརྩེགས།                                   བཅས་སོ།།

15.    དཀར་གསུམ་ནི།                                                 བཅས་སོ།།

16.    ཝ་བཏགས་ཅན་གྱི་ཡི་གེ་བཅུ་གཉིས་ཕུད་པའི་ཝ་ཟུར་གྱི་ཡི་གེ་གསུམ་ནི།                         བཅས་སོ།

བཞི།  འགྲིག་མིན་བརྡར་ཤ་གཅོད་དགོས།   གལ་ཏེ་ཚང་མར་རྟགས་གཅིག་མཚུངས་སྤྲད་ཚེ་སྐར་མི་ སྤྲོད།   སྐར།   5

17.    བརྡ་ཁྱབ་ཀྱིས་ཆ་འཕྲིན་སྤེལ་བ་དང་དཔལ་འབྱོར་འཁྲུག་པོ་བཟོ་མི་ཐུབ།  （       ）

18.    དཔྱིད་ཆུ་བཟང་།   སྟོན་ཆུ་ངན།       （        ）

19.    ཕལ་སྐད་དང་མཐུན་ཆེ་བ་དང་།  སློབ་བདེ་བ་དང་ཁྱབ་རྒྱ་ཆེ་བ།  མིང་ཚིག་གིས་འདང་ཚད་ཆེ་བ། ཚིག་སྦྱོར་གྱིས་དོན་ཏན་ཏིག་བསྟན་ཐུབ་པ་སོགས་ཀྱི་ཁྱད་ཆོས་དང་ལྡན་ཚེ་ཡི་གེ་དེ་སྔོན་ཐོན་ཡི་གེར་བརྩིས་ཆོག    （       ）

20.    གོང་མ་ཡུང་ལོའི་སྔོན་ལ་བོད་ཡིག་པར་སྐྲུན་གྱི་ལས་རིགས་དར་སྲོལ་མི་འདུག   （         ）

21.    བྱ་དངོས་ལ་ཡང་དག་པའི་ངོས་འཛིན་བྱེད་སྟངས་གཅིག་ཁོ་ན་ཡིན།    （         ）

ལྔ།  མིང་དང་ཚིག་ལ་འགྲེལ་པ་བྱ་རྒྱུ།   སྐར།    4

22.    བག་ལ་ཞ་བ།                          མཚེར་འཛིན།                

ཁྲོམ་ལས་ལངས།                          ཕྱག་ཕྱི།                   

གཉིས་པ།   ལྟ་ཀློག་དང་དབྱེ་ཞིབ།      བསྡོམས་སྐར།    28

ལྟ་ཀློག་དང་དབྱེ་ཞིབ་དང་པོ།   སྐར།   14

       བསམ་ཡས་དགོན་པ①    ཕྱིའི་ལྕགས་རི་དང་བཅས་པའི་སྤྱིའི་རྒྱ་ཁྱོན་ལ་སྨི་ངོས་སྙོམས་གྲུ་བཞི་མ༢༥༠༠༠ཙམ་ཡོད་②            ཕྱིའི་བཟོ་སྐྲུན་གྱི་བཀོད་པ་ནི་རི་རབ་གླིང་བཞི་གླིང་ཕྲན་ཉི་ཟླ་དང་བཅས་པ་ཡོངས་སུ་རྫོགས་པར་ཚང་བ་དང་།  ནང་གི་གཙུག་ལག་ཁང་དེའི་སྤྱིའི་རྒྱ་ཁྱོན་ལ་སྨི་ངོས་    སྙོམས་གྲུ་བཞི་མ༦༠༠༠ལྷག་ཙམ་ཡོད་ལ།  དེ་ནི་ཐོག་རྩེག་རིམ་པ་གསུམ་དང་ལྡན་པས་ཐོག་རྩེག་རེར་སྤྱིའི་ཆ་ནས་མཐོ་ཚད་སྨི༥ཚེག༥ནས་སྨི༦བར་ཡོད།  དེའི་བཟོ་སྐྲུན་གྱི་བཀོད་པ་ནི་ཐུན་མོང་མ་ཡིན་པ་③        ཡོད་པ་སྟེ།  དེ་ཡང་ཆོས་ཀྱི་འབྱུང་ཁུངས་རྒྱ་གར་ཡིན་པས་དབུ་རྩེ་ཡང་ཐོག་རྒྱ་གར་གྱི་ལུགས་སུ་ཤིང་ལས་གྲུབ་པ་དང་།རྒྱ་ནག་ནི་ཞང་པོ་གཉེན་འབྲེལ་ཡིན་པས་བར་ཐོག་རྒྱ་ནག་གི་ལུགས་སུ་སོ་ཕག་ལས་གྲུབ་པ། བོད་རྣམས་ཆོས་ལ་འགུགས་པའི་ཆེད་དུ་འོག་ཐོག་བོད་ཀྱི་ལུགས་སུ་རྡོ་ལས་གྲུབ་པ་བཅས་སུ་བཞེངས་པས་མཚན་④      བསམ་ཡས་ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཞེས་སུ་གྲགས་ལ།ནང་གི་བཀོད་པ་ནི་ཐོག་དཔངས་མཐོ་ལ་བར་ཁང་སྟེང་ཁང་རྣམས་དཀར་ཆ་དོད་པ། འཁོར་ས་ཕྱི་ནང་བར་གསུམ་དང་བཅས་ལྡེབས་རིས་དང་བརྐོས་དཀྲོལ་གྱི་མཛེས་བཀོད་ཕུན་སུམ་ཚོགས་པའི་ཁྱད་ཆོས་དང་ལྡན་པ་ཞིག་ཡོད། ལྷག་པར་དུ་སྟེང་ཐོག་ལ་ཆ་མཚོན་ན་ཕྱི་⑤      རྩིག་པ་མེད་པ།  ནང་དུ་ཀ་བ་མེད་པ་སོགས་བཟོ་སྣ་བཅུ་གསུམ་གྱི་ཁྱད་ཆོས་དང་བཅས་བསྐྲུན་པར་གྲགས་པ་ལྟར།  ཤིང་སང་གླིང་སྣ་གཅིག་རྩེག་གཉིས་སྣོན་གྱི་སྟེང་དུ་ཤིང་སང་ཇེ་རིང་དང་གླང་སྣ་ཇེ་ཆེར་བཏང་སྟེ་ཐོག་བཀབ་ཡོད་པ་དེ།  བོད་ཀྱི་འཛུགས་སྐྲུན་དངོས་པོ་གཞན་དང་མི་འདྲ་  བའི་སྒྱུ་རྩལ་དང་ལག་རྩལ་ཟུང་དུ་འབྲེལ་བ་ཞིག་ཡིན་པ་སྨོས་ཅི་དགོས།  དེས་ན།  བསམ་ཡས་གཙུག་ལག་ཁང་དེ་ནི་དེ་སྔོན་གྱི་ལོ་རྒྱུས་ཀྱི་འཛུགས་སྐྲུན་ཤུལ་དངོས་རྣམས་དང་མི་འདྲ་བའི་ཁྱད་ཆོས་ལྡན་པ་ཞིག་ཡིན་པ་བལྟས་པ་ཙམ་གྱིས་མཐོང་བར་ནུས་པས།འདི་⑥  བོད་ཀྱི་སྔར་སྲོལ་འཛུགས་སྐྲུན་ལག་རྩལ་གྱི་རྨང་གཞིའི་ཐོགབོད་ལྗོངས་ས་མཐོར་འཚམ་ངེས་ཀྱི་ཕྱིའི་ལག་རྩལ་གྱི་དགེ་མཚན་རྣམས་བསྡུས་⑦        །   མི་རིགས་ཀྱི་ཁྱད་ཆོས་ལྡན་པའི་འཛུགས་སྐྲུན་ལག་རྩལ་ཞིག་ཏུ་འཕེལ་རྒྱས་བཏང་བ་ཡིན་པས།  མི་རིགས་རིག་གནས་ཀྱི་སྙིང་བཅུད་ཅིག་ཡིན་པ་རྟོགས་པར་ནུས་⑧       །  །

གོང་གི་དུམ་བུ་དང་འབྲེལ་བ་བྱས་ཏེ་གཤམ་གྱི་དྲི་གཞི་ཁག་ལེགས་གྲུབ་གྱིས་ཤིག

23.    གོང་གི་སྟོང་ཆའི་ནང་དུ་འོས་ཤིང་འཚམ་པའི་ཕྲད་ཁ་སྐོང་བྱེད་དགོས།   སྐར།   8×0.5＝4

①         ②         ③        ④        ⑤        ⑥        ⑦           ⑧        

24.    བསམ་ཡས་དགོན་པའི་ཕྱིའི་བཟོ་བཀོད་ཇི་ལྟ་བུ་ཡིན།   སྐར།   2

ལན།                                                                                                                                                                              

25.    བསམ་ཡས་དགོན་པ་ནི་ཐོག་རྩེག་གསུམ་ལས་གྲུབ་པ་ཡིན་པས་རྩེ་ཐོག་གི་བཟོ་བཀོད་ཇི་ལྟ་བུ་ཡིན།

སྐར།     2

ལན།                                                                                       

26.    བསམ་ཡས་གཙུག་ལག་ཁང་གི་འོག་ཐོག་བོད་ལུགས་སུ་རྡོ་ལས་གྲུབ་དགོས་དོན་གང་ཡིན།  སྐར། 2

ལན།                                                                                        

27.    སློབ་ཚན་དང་འབྲེལ་བ་བྱས་ཏེ་གཤམ་གྱི་རྗོད་དུམ་ཁག་འགྲིག་མིན་བརྡར་ཤ་གཅོད།  སྐར། 4

①  བསམ་ཡས་གཙུག་ལག་ཁང་ནི་ཐོག་བརྩེགས་བཅུ་གསུམ་ལས་གྲུབ་པ་ཡིན།（      ）

②  བོད་དུ་ཡིག་བསྒྱུར་ཁང་ཐོག་མར་འཛུགས་ས་ནི་བསམ་ཡས་གཙུག་ལག་ཁང་ཡིན།（     ）

③  རྒྱ་ནག་དང་ཞང་པོ་གཉེན་འབྲེལ་ཐོག་མར་འཛུགས་མཁན་ནི་རྒྱལ་པོ་ཁྲི་སྲོང་ལྡེ་བཙན་ཡིན།（  ）

④  བསམ་ཡས་དགོན་པའི་བཟོ་བཀོད་ནི་བོད་མི་རིགས་རང་ཉིད་ཀྱིས་བཟོ་ལས་མཁས་པོས་བཞེངས་པའི་རིག་དངོས་ཤུལ་བཞག་ཅིག་ཡིན།（      ） 

ལྟ་ཀློག་དང་དབྱེ་ཞིབ་གཉིས་པ།   སྐར།   14

28.    མཐོན་མཐིང་རལ་པའི་ལན་བུ་རླུང་གིས་བསྐྱོད།  །

བཅུ་དྲུག་གཞོན་ནུའི་སྒེག་འཆང་ལུས་ཕྲའི་གཟུགས།  །

འཇམ་མཉེན་ཕྱག་སོར་རྩེ་ན་ཏམ་བུ་རས།  །

སྙན་པའི་དབྱངས་འཁྲོལ་ཚངས་སྲས་ངག་གི་ལྷ།  །

①   གོང་གི་ཚིགས་བཅད་འདི་རང་བཞིན་བརྗོད་པའི་རྒྱན་གྱི་ནང་གསེས་གང་གི་དཔེར་བརྗོད་ཡིན།2

ལན།                                                      

②  གོང་གི་ཚིགས་བཅད་འདིའི་ཚེག་བར་ཆ་ཡ་འཁེལ་སྟངས་ཇི་ལྟར་ཡིན།  སྐར།  2

ལན།                                                            

③  རང་བཞིན་བརྗོད་པའི་རྒྱན་གྱི་གོ་དོན།   སྐར།   2 

དངོས་པོའི་རང་བཞིན་གནས་སྐབས་སོགས། ། གང་ཡིན་དེ་ལས་གཞན་དུ་ནི།།                        ། །

                       ། །བརྗོད་པ་རང་བཞིན་བརྗོད་པའི་རྒྱན།།

④   མིང་ལ་འགྲེལ་པ་གྱིས་ཤིག   སྐར།   3

མཐོན་མཐིང་།                                    སྒེག་འཆང་།                            

ཕྱག་སོར།                            

⑤  གཤམ་གསལ་གྱི་ཚིག་རྣམས་རྣམ་དབྱེ་བརྒྱད་ལས་གང་ཡིན་ངོས་འཛིན་དགོས།སྐར།  3

རླུང་གིས་བསྐྱོད།    （                                  ）

གཞོན་ནུ།            （                                ）

ཕྱག་སོར་རྩེ་ན་ཏམ་བུ་ར།（                                ）

⑥  གཤམ་གསལ་སྒྲ་འདྲའི་ཡི་གེར་ཚིག་གྲོགས་རེ་སྦྱོར་དགོས།    སྐར། 4×0.5＝2

（ཚིགས་བཅད་་ནང་གི་མ་ཡིག་ཇི་བཞིན་བྲིས་ཚེ་སྐར་མི་སྤྲོད）

རླུང་།                        མཉེན།                    

ཀླུང་།                       གཉེན།                     

གསུམ་པ།   ཕྱོགས་བསྡུས་རང་བཞིན་གྱི་སློབ་སྦྱོང་།      སྐར།    5

      རྩོམ་ཡིག་ཀློག་པ་ནི་མིའི་རིགས་ལ་དབང་བའི་དམིགས་བསལ་གྱི་ལོངས་སྤྱོད་ཅིག་ཡིན།དེང་རབས་ཀྱི་རྩོམ་ཡིག་ཀློག་ཚེ། དེང་གི་མི་རྣམས་དང་བསམ་བློ་བརྗེ་རེས་ཐུབ་པ་དང་། གནའ་རབས་ཀྱི་རྩོམ་ཡིག་ཀློག་ཚེ།དམ་པ་གོང་མ་དག་གི་བློ་གྲོས་དང་ཤེས་རིག་གི་ཉིང་བཅུད་ཤེས་རྟོགས་དང་རྒྱུད་འཛིན་བྱེད་ཐུབ།དེས་ན་དཔེ་དེབ་ཀློག་ཚེ་མིའི་རིགས་ཀྱི་རིག་གནས་དང་མཛད་རྗེས་མཐའ་དག་ཉམས་སུ་མྱོང་ཐུབ།འོ་ན་ཁྱོད་རང་ལོ་ངོ་དགུ་ཙམ་སློབ་གྲྭའི་ར་བའི་ནང་རྩོམ་ཡིག་མི་ཉུང་བ་ཞིག་   བཀླགས་མྱོང་ཡོད་ཤག  ཁྱེད་ཀྱི་སེམས་ཀྱི་དཀྱིལ་དབུས་སུ་དགའ་བ་ཆེན་པོ་སྐྱེས་པའི་རྩོམ་ཡིག་ཡོང་སྲིད་ལ།  ཡང་ན་སྐྱོ་གདུང་གི་མིག་ཆུ་ཟམ་མི་ཆད་པར་ལྷུང་མྱོང་བའི་རྩོམ་ཡིག་ཡང་ཡོད་སྲིད།  མདོར་ན་ཁྱོད་ལ་དགའ་སྐྱོ་ཆགས་སྡང་སྐྱེས་པའི་རྩོམ་ཡིག་གང་རུང་གཅིག་བཀླགས་པའི་མྱོང་ཚོར་མདོར་   བསྡུས་ཤིག་བྲིས་དང་།

བཞི་པ།   རྩོམ་ཡིག་འབྲི་རྒྱུ།   བསྡོམས་སྐར།32

མི་ལ་བརྩོན་འགྲུས་ལྡན་གྱུར་ན།  འཇིག་རྟེན་འདི་ན་དཀའ་བ་མེད།  ཅེས་གསུངས་པ་ལྟར་སློབ་ སྦྱོང་གི་དཀའ་སྡུག་ཐམས་ཅད་སྡུག་རུས་བསྐྱེད་ནས་སེལ་ན།  ཡོན་ཏན་ཐམས་ཅད་ངང་གིས་རང་རྒྱུད་ལ་འབྱོར་ཐུབ་པ་ཡིན།  སྔོན་བྱོན་གྱི་སྐྱེས་བུ་དམ་པ་སྟེ།  གསར་གཏོད་པ་དང་།  ཚན་རིག་པ།  རྩོམ་རིག་པ།  ཆབ་སྲིད་པ། བསམ་བློ་བ་སོགས་ཀྱིས་ཀྱང་སློབ་སྦྱོང་ལ་དཀའ་བ་སྤྱད་པས་ད་གཟོད་ལེགས་འགྲུབ་བྱུང་བ་ཡིན་ལ།  ལེགས་འགྲུབ་བྱུང་བའི་བྱ་རིམ་ཁྲོད་དུ་ཁོ་ཚོ་ལ་ཡང་དཀའ་སྡུག་མང་པོ་འཕྲད་ཡོད།  དེའི་ཕྱིར། སློབ་སྦྱོང་གི་བྱ་རིམ་ཁྲོད་དུ་འཕྲད་པའི་དཀའ་སྡུག་དེ་དག་ལ་ཡང་དག་པའི་རྣམ་འགྱུར་ཞིག་འཛིན་པ་དང་།  གང་ལ་དེ་འཚམ་གྱིས་ཐབས་སྤྱད་དེ་དཀའ་སྡུག་དེ་དག་གང་ལེགས་ཀྱིས་སེལ་རྒྱུ་ནི་རང་རྒྱུད་ལ་ཡོན་ཏན་ལེགས་པོ་ཞིག་འབྱོར་མིན་དང་རང་ཉིད་ལེགས་འགྲུབ་བྱུང་མིན་གྱི་འགག་རྩ་ཡིན།དེས་ན《ང་སློབ་སྦྱོང་གི་དཀའ་སྡུག་ལ་མི་སྐྲག》ཅེས་པའི་རྩོམ་ཡིག་གཅིག་འབྲི་བའམ་ཡང་ན་རྩོམ་ཡིག་གི་ཁ་བྱང་གང་རུང་ཞིག་བདམས་ཏེ་འབྲི་དགོས།

རེ་འདུན།  

1 ཚིག་སྦྱོར་བདེ་ཞིང་དག་ནོར་ཉུང་བ་བརྗོད་དོན་གསལ་པོར་མཚོན་དགོས།

2 ཁམས་གཙང་ཞིང་ཡིག་གཟུགས་ལེགས་པོ་འབྲི་དགོས།

3 རྩོམ་སྟངས་གང་རུང་འབྲི་ཆོག་ཅིང་།  ཚེག་ཁྱིམ༤༠༠ལས་མི་ཉུང་བ་དགོས།