༤ • ༣༠༼ ཨ་ནུའི་མཐེབ་རྩལ་ ༽ཞེས་པའི་བོད་ཡིག་ཡིག་གཟུགས་འགྲན་སྡུར་གྱི་བྱེད་སྒོ།

སྤྱི་ཟླ༤པའི་ཚེས༣༠ཉིན། རང་སློབ་འབྲིང་གི་གཅིག་གྱུར་བཀོད་འདོམས་འོག་

སློབ་དཔྱོད་ཁང་དང་བོད་ཡིག་སློབ་དཔྱོད་ཙུའུ་གཉིས་ཀྱིས་སྒྲུབ་འགན་ཁུར་བའི་ས་སྐྱ་རྫོང་སློབ་འབྲིང་གི་སྐབས་བཞི་པའི་བོད་ཡིག་ཡིག་གཟུགས་འགྲན་བསྡུར་གཞོན་ནུའི་བྱེད་སྒོ་ལྟེ་ནས་སུ་སྤེལ་བ་རེད།

   དེ་ཡང་དང་ཐོག་རང་སློབ་གྲྭའི་སློབ་སྤྱི་སྐུ་གཞོན་ཟླ་རྒྱལ་ལགས་ནས་བོད་ཡིག་ཡིག་གཟུགས་དུས་ཆེན་གྱི་འབྱུང་ཁུངས་དང་མཚོན་རྟགས། དེ་བཞིན་འབྲི་སྟངས་ཐད་ལ་དམིགས་བསལ་གྱི་བླང་བྱ་དང་བཀའ་སློབ་གནང་བ་དང་ཧྲུའུ་ཅི་བུ་ཆུང་མཆོག་ནས་རང་ཉིད་ཀྱི་བོད་ཡིག་སྦྱངས་བའི་མྱོང་བ་གླེང་བའི་ཐོག་ནས་སློབ་མར་བོད་སྐད་ཡིག་ལ་དགའ་ཞེན་དང་ཡིག་གཟུགས་ལ་སྦྱོངས་བྲིས་བྱ་དགོས་པའི་སྐུལ་མ་ནན་ཏར་གནང་།

  ཐེངས་འདིའི་འགྲན་བསྡུར་ཐོག་རང་སློབ་གྲྭའི་དབུ་ཁྲིད་རྣམ་པ་དང་བོད་ཡིག་དགེ་རྒན་ཡོངས། ལོ་རིམ་གསུམ་གྱི་ཡིག་གཟུགས་དགའ་ཞེན་ཅན་སློབ་མ་ཁྱོན་མི་གྲངས་༨༦བཅས་ཀྱི་ས་ཡུལ་དངོས་སུ་རང་སར་དབུ་ཅན་དང་དབུ་མེད་སོགས་བྲིས་སྣ་མི་འདྲ་བའི་བརྩམས་ཆོས༡༠༠ལྷག་བྲིས་བསྡུས་བྱུང་ཤིང་། དེ་ལ་ལོ་རིམ་ཁག་གི་དགེ་རྒན་མཉམ་བགོས་ཀྱིས་དཔྱད་འདེམས་གནང་ནས་ཞིབ་བརྟག་དང་དཔྱད་བརྗོད་བྱས་མཐར་བྲིས་ཀྱི་ཨང་དང་པོའི་བྱ་དགའ་༩དང་། གཉིས་པ༡༥། གསུམ་པ༢༡བཅས་དང་། དེ་བཞིན་སྐུལ་སློང་ཕུལ་བྱུང་བྱ་དགའ་༣༠བཅས་བསྡོམས་པའི་བྲིས་གཟུགས༨༦ལྷག་ལ་དཔྱད་བདམས་བྱས་པ་རེད།