བདུན་པའི་རྒྱུགས་ཤོག

༢༠༡༦ལོའི་སློབ་འབྲིང་ལོ་རིམ་བདུན་པའི་སློབ་དུས་དང་པོའི་སློབ་དཀྱིལ་བོད་ཡིག་རྒྱུགས་ཤོག

འཛིན་གྲྭ                           རུས་མིང་།                                 ཐོབ་སྐར།                 

དང་པོ།  རྨང་གཞིའི་ཤེས་བྱ།

གཅིག   འདེམས་འཇུག་དྲི་བ། ༼༡༠×༡＝༡༠༽

༡༽“དཀར་གསལ་ཟླ་འོད་འཕྲོ་བའི་མཚན་མོ་ཡི་དུས་སུ།།  གསེར་གྱི་བཞོ་གཟུང་བཏགས་པའི་འཇོ་སྒེག་གི་བུ་མོས།། དགོ་དགོ་གླུ་དབྱངས་ངག་གི་དབྱངས་རྟ་ལ་འགུགས་བཞིན།།  འབྲི་མའི་འོ་མ་བཞོ་བའི་ངང་ཚུལ་ཡང་དྲན་བྱུང་།། ”ཞེས་པས  ༼      ༽མཚོན་པར་བྱས་ཡོད །   

ཀ རྩྭ་ཐང་གི་མཛེས་ཞིང་ཡིད་དུ་འོང་བའི་རྣམ་པ།  ཁ འཇོ་སྒེག་གི་བུ་མོས་སྙན་ཞིང་འཇེབས་པའི་གླུ་དབྱངས་ལེན་པ།      ག  རྩྭ་ཐང་གི་མཚན་ལྗོངས །                                        

༢༽ སླར་བསྡུའི་མིང་གི་རྣམ་གྲངས་ལ་ ༼       ༽གཉིས་ཡོད །

ཀ  སླར་བསྡུ་དང་རྫོགས་ཚིག།    ཁ  རྫོགས་ཚིག་དང་ཟླ་སྡུད།        ག  སླར་བསྡུ་དང་ཟླ་སྡུད།                                                                                    

༣༽ མགོ་འདོགས་ཝ་བཏགས་ཅན་གྱི་ཡི་གེ་༼         ༽ ཡོད །

ཀ བཅུ་གཉིས །       ཁ གསུམ །      ག   བཅུ །   

༤༽ ཁྱུ་དང་སྐོར།  སྤྱི་ལེ།  འདོམ་པ་སོགས་ནི  ༼       ༽ཡིན །       

ཀ ཚད་འཛིན་པའི་མིང་ཡིན །     ཁ  རྩིས་གཞི་སྟོན་པའི་མིང་ཡིན ། ག  རིམ་པ་སྟོན་པའི་མིང་ཡིན  །  

༥༽སློབ་ཁྲིད་སྐབས་སུ་ཅུང་ཟད་རྟོགས་ཀྱང་དྲན་པས་མ་བསྐྱངས་པས་བརྗེད་སོང་བ་ནི་༼   ༽ལྟ་བུའི་སྐྱོན་ཡིན །          ཀ  སྣོད་ཁ་སྦུབ།     ཁ  སྣོད་དྲི་མ་ཅན །      ག སྣོད་ཞབས་རྡོལ །  

༦༽མིང་ལ་གྲུབ་ཚུལ་ལམ་འདོགས་སྟངས་ཀྱི་སྒོ་ནས་དབྱེ་ན་༼      ༽གཉིས་ཡོད།

ཀ དངོས་མིང་དང་། བཏགས་མིང་།     ཁ  འདོད་རྒྱལ་གྱི་མིང་དང་། རྗེས་གྲུབ་ཀྱི་མིང་།    

ག  མིང་རྐྱང་གི་མིང་དང་། བྱ་བའི་མིང་།

༧༽ སྙན་རྩོམ་ལ་ངོ་བོའི་སྒོ་ནས་དབྱེ་ན་༼      ༽གཉིས་ཡོད།

ཀ རང་མོས་སྙན་རྩོམ་དང་སྲོལ་རྒྱུན་སྙན་རྩོམ ། ཁ དུང་སེམས་མཚོན་པའི་སྙན་རྩོམ་དང་ཡིད་འགྱུར་མཚོན་པའི་སྙན་རྩོམ །   ག   དོན་བརྗོད་སྙན་རྩོམ་དང་དུང་སེམས་མཚོན་པའི་སྙན་རྩོམ །

༨༽སྣོད་ཀྱི་སྐྱོན་གསུམ་ཞེས་པའི་སྣོད་དེ་༼      ༽ལ་གོ་དགོས །

ཀ  ཕོར་པ །   ཁ  ཡོན་ཏན་སློབ་སའི་སློབ་མའི་བློའམ་རིག་པ །   ག  ཡོན་ཏན་བསླབ་མཁན་གྱི་དགེ་རྒན །

༩༽ དེ་ནི་དཔེ་ཆའོ་ལྟ་བུའི་འོ་སྒྲ་ནི་༼      ༽ཡིན།

ཀ མིང་གི་རྗེས་སུ་འཇུག་པའི་སླར་བསྡུའི་ཕྲད །  ཁ བྱ་ཚིག་གི་རྗེས་སུ་འཇུག་པའི་སླར་བསྡུའི་ཕྲད །

ག ཚིག་གི་རྗེས་སུ་འཇུག་པའི་སླར་བསྡུའི་ཕྲད །

༡༠༽ འགྱུར་བཞིའི་ལྗོན་ཤིང་གྲུབ་འབྲས་ལོ་འདབ་ཀྱིས་རྒྱན་ཞིང་།  ཞེས་པའི་ཚིག་རྐང་དེའི་ནང་གི་དཔེ་ཅན་གྲུབ་འབྲས་ལ་དཔེ་ ༼       ༽བཀོད་ཡོད།

ཀ   ལྗོན་ཤིང་།   ཁ  ལོ་འདབ།        ག  འགྱུར་བཞི།

གཉིས།  གཤམ་གྱི་མངོན་བརྗོད་དེ་དག་གི་མིང་འབྲི་དགོས།  སྐར་༼༨×༡＝༨༽

༡¸འཛིན་མ།                      ༢¸ས་འཛིན།                      ༣¸དལ་འགྲོ་མ།                         

༤¸སུམ་རྩེན།                         ༥¸ཀུན་བསལ་བུ་མོ།                          ༦¸སྐྱེ་བོ།                 

༧¸དབྱར་སྐྱེས་རྔ།                               ༨¸འཆི་མེད་ལམ།                               

གསུམ། གཤམ་གྱི་ནང་དོན་ལ་འགྲིག་མིན་བརྡར་ཤ་གཅོད་དགོས།   སྐར་༼༦×༡＝༦༽

༡༽མིང་གཞི་རྐྱང་པ་སུམ་ཅུ་ཐམ་པ་ཡོད།(      )

༢༽དགྲ་བཅོམ་མོ་ལྟ་བུའི་སླར་བསྡུའི་ཕྲད་"མོ་"དེ་མིང་གི་རྗེས་སུ་འཇུག་པ་ཡིན།(      )

༣༽ཡང་འཇུག་ད་ཡིག་འཇུག་ཡུལ་ནི་ར་ལ་ས་གསུམ་ལ་འཇུག(         )

༤༽ད་ལྟ་སྤྱོད་བཞིན་པའི་བོད་ཡིག་འདི་སློབ་དཔོན་ཐོན་མའི་སྐུ་རིང་ལ་རྒྱལ་པོ་སྲོང་བཙན་གྱིས་གསར་དུ་བཅོས་སོ།(         )

༥༽མགོ་ཅན་ཝ་བཏགས་ཅན་གཅིག་ཡོད་པ་ནི་རྩྭ་ཡིན །  (         )

༦༽རྒྱུ་མཚན་མེད་པར་དངོས་པོ་དེ་ལ་ཐོག་མར་འདོད་པ་ཙམ་གྱི་བརྡ་སྦྱར་བ་དངོས་པོ་དེའི་མིང་དུ་ཆགས་པ་འདོད་པ་ལྟར་རྒྱལ་བར་བྱས་པས་འདོད་རྒྱལ་གྱི་མིང་ཟེར། དཔེར་ན། ལྕགས་རྟ་དང་ས་འགུལ་ལྟ་བུའོ། (      )

བཞི།    སྟོང་འཇུག་དྲི་གཞི །༼༡༢×༡＝༡༢༽

༡༽ གཤམ་གྱི་སྟོང་ཆར་གོང་འོག་དོན་དང་འཚམ་པའི་བྱེད་འབྲེལ་གྱི་ཕྲད་ཁ་སྐོང་དགོས །  སྐར་༥

1、རྒྱབ་(      )ཁུར་བོ་མདུན་(      )མཐོ་སར་བཞག  ངལ་གསོ་བྱེད་བཞིན་སྐྱིད་པ(      )གླུ་ཞིག་བླངས།

2、མཛོད་(     )ལྡེ་མིག་གྲོགས་པོས་ལམ་བར་བསྐྱུར།  ལྕགས་ཀྱི་ཐོ་བ(     )མཛོད་(     )སྒོ་ལྩགས་བཅག

3、མདུན་གྱི་སྨྱུ་གུ(      )ཤོག་སྟེང་གང་བྱུང་བྲིས། གྲོགས་(      )མཐོང་བས་གཞན་ལ་ཤོད་པར་སོང་།

4、ལག་(      )ཅ་ལག་ནམ་མཁ(      )མཐའ་རུ་གཡུག

༢༽སྣོད་ཀྱི་སྐྱོན་གསུམ་ནི།                                                                                   

༣༽སྤྱིར་བོད་ཀྱི་ཡི་གེར་དབྱེ་ན།                                                                                      

བོད་ཡིག་ཡིག་གཟུགས་ལ་དབྱེ་ན་                                                                                  

ལྔ།   དྲི་བར་ལན་འདེབས་དགོས།༼༥×༤＝༢༠༽

༡༽དྲི་མ་དྲུག་ཅེས་པའི་དྲི་མ་དེ་གང་ལ་གོ་དགོས།

ལན་ཞུ།                                                                                                                                                                                                                                                               

༢༽རང་གི་བློས་འཆུན་ཚད་ཐར་ཆགས་སུ་འཛིན་དགོས་ཞེས་པའི་དོན་ཅི།

ལན་ཞུ།                                                                                                          

༣༽གང་འདྲ་ཞིག་ལ་སྙན་རྩོམ་ཟེར།

ལན་ཞུ།                                                                                                         

༤༽གང་ལ་མིང་ཟེར།

ལན་ཞུ།                                                                                                               

༥༽བོད་ལ་རྣམ་དབྱེ་དུ་ཡོད།   གང་དག་ཡིན།

ལན་ཞུ།                                                                                                          

གཉིས་པ།   བལྟ་ཀློག་དང་དབྱེ་ཞིབ།

༼༡༽

ད་ནི་སྐབས་འདིར་སློབ་མ་སྣོད་རུང་དུ་བྱ་བའི་གདམས་ངག་ཟུར་ཙམ་གཅིག་བཤད་ན། ཤེས་བྱ་གང་ལ་ཉན་བཤད་ བྱེད་པའི་སྔོན་དུ། ཉན་པ་པོའི་སྣོད་ཀྱི་སྐྱོན་གསུམ། དྲི་མ་དྲུག མི་འཛིན་པའི་སྐྱོན་ལྔ་སྤངས་ཏེ། བསམ་པ་ དད་གུས་དང་ལྡན་པས་སྦྱོར་དངོས་རྗེས་གསུམ་གྱིས་ཟིན་པ་བྱས་ནས་ཉན་དགོས་གསུངས།

༡༽སློབ་མ་སྣོད་རུང་དུ་བྱ་བའི་གདམས་ངག་ཅེས་པའི་སློབ་ཚན་འདི་གང་ལས་བདམས་སམ།    དེའི་རྩོམ་པ་པོ་སུ་ཡིན་ནམ། སྐར་༢

ལན་ཞུ།                                                                                                         

༢༽མི་འཛིན་པའི་སྐྱོན་ལྔ་གང་ཡིན། སྐར་༣

ལན་ཞུ།                                                                                                         

༣༽དྲི་མ་དྲུག་གང་དང་གང། སྐར་༣

ལན་ཞུ།                                                                                                          

༤༽སྦྱོར་དངོས་རྗེས་གསུམ་ཞེས་པ་འདི་གང་ལ་གོ་དགོས། སྐར་༢

ལན་ཞུ།                                                                                                         

༼༢༽

དབྱར་གསུམ་ཉི་མ་ཤར་ཕྱོགས་རི་རྩེ་ནས་འཛུམ་དུས།།

རིག་གནས་མེ་ཏོག་བཞད་པའི་རྩྭ་ཐང་འདི་མཛེས་པ། །

སློབ་གསོའི་ལས་དོན་དར་བའི་འདབ་མ་འདི་རྒྱས་པ། །

ཚན་རིག་ལག་རྩལ་འཕེལ་བའི་ཟེའུ་འབྲུ་འདི་དགའ་བ། །

༡༽གོང་གསལ་ཚིགས་བཅད་ཤོ་ལོ་ཀ་དེར་ཚིག་རྐང་ག་ཚོད་འདུག་གམ། སྐར་༡

ལན་ཞུ།                                                                                                           

༢༽གོང་གསལ་ཚིགས་བཅད་ཤོ་ལོ་ཀ་དེའི་ནང་རིག་གནས་དང་། སློབ་གསོ། ཚན་རྩལ་བཅས་སོ་སོའི་དཔེར་གང་དང་གང་བཀོད་འདུག་གམ།  སྐར་༣

རིག་གནས།                            སློབ་གསོ།                           ཚན་རྩལ།                          

༣༽གོང་གི་ཚིགས་བཅད་ཤོ་ལོ་ཀ་དེའི་ནང་གཙོ་བོ་གང་ཞིག་བརྗོད་ཡོད་དམ།    སྐར་༣

ལན་ཞུ།                                                                                                         

༤༽གཤམ་གསལ་མིང་དག་འདོད་རྒྱལ་དང་རྗེས་གྲུབ་གང་གི་མིང་ཡིན་ངོས་འཛིན་བྱོས། སྐར་༢

དབྱར་ཁ།                       རྩྭ་ཐང་།                        མེ་ཏོག                སློབ་གསོ།                 

གསུམ་པ།    རྩོམ་ཡིག་འབྲི་རྒྱུ།  སྐར་༢༥

ཁ་བྱང་སོ་སོས་གཏན་འཁེལ་བྱས་རྗེས་སློབ་གྲྭ་འདིར་སླེབས་རྗེས་རང་ཉིད་ལ་འཕྲད་པའི་ཆེས་བརྗེད་པར་དཀའ་བའི་གནས་ཚུལ་ག་གེ་མོ་ཞིག་མཚོན་པའི་ཇི་བཞིན་བརྗོད་པའི་རྩོམ་ཡིག་ཅིག་འབྲི་དགོས།

རེ་བ། ཚིག་གི་སྦྱོར་བ་བདེ་ཞིང་གོང་འོག་དོན་གྱི་འབྲེལ་ཆགས་པ།

ཡིག་གཟུགས་ཁམས་གཙང་ཞིང་།

ཡིག་འབྲུ་༣༠༠ཡན་ལོན་པའི་རྩོམ་ཡིག་ཅིག་འབྲི་དགོས།