巴多老师作品 新旧西藏对比

ནམ་མཁའ་སྨག་གིས་མུན་པས་ར་རོས་བཞིན།།

རྡོ་ཆར་གཤེད་མས་ལོ་ཏོག་མ་ལུས་བཅོམ།།

འཇིགས་རུང་མུན་ནག་སྤྱི་ཚོགས་རྙིང་པ་ཡིས།།

རྒྱ་ཚེའི་མང་ཚོགས་སྡུག་བསྔལ་རྒྱ་རུ་བཙུད།།

ཤེས་ཡོན་སྦྱོང་བའི་གོ་སྐལ་འཇའ་བཞིན་ཡལ།།

བླང་དོར་མིག་ལྡོངས་ཟོག་པོ་ལྷ་རུ་བཀུར།།

སེམས་ཀྱི་མགོན་སྐྱབས་ཕྱི་རོལ་རྫུ་ལ་བརྟེན།།

ལས་དབང་བཅུན་པའི་སྤོབས་པ་ཡོངས་སུ་བྲལ།།

གློ་བུར་ལྷོ་ཡི་རླུང་གིས་རབ་དེད་དྲི་བཟང་གིས།།

འགྲོ་བའི་ལུས་ཀྱི་གདུང་བ་མ་ལུས་སེལ་བྱེད་ལྟར།།

དབང་ཕྱོགས་ཙི་ནའི་ཡུལ་ནས་རྟ་བདུན་ཟེར་བརྒྱ་ཡིས།།

གངས་ཅན་འཛིན་མའི་ལྟེ་བར་བདེ་བའི་དྲོ་སྐྱིད་སྦྱིན།།

ཏང་གི་གཟི་བྱིན་མཚན་དཔེས་རབ་ཏུ་རྒྱན།།

ལྷུག་གཏོང་མཛད་བཟང་སྲིད་ཇུས་རབ་རིམ་སྤེལ།།

གངས་ཅན་ལྗོངས་སུ་སྲིད་འབྱོར་རིག་གནས་དང་།།

ཚན་རྩལ་ཡར་ངོའི་ཟླ་བཞིན་གོང་དུ་འཕེལ།།