ཕོ་རབ་ཚིག་ཐོག ཕར་བ་རྗེས་ཐོག
འཕར་བ་ནི་གཅན་གཟན་སྤྱང་བོ་ཞིག་ཡིན་ཞིང་། འཕར་བའི་གཟུགས་གཞིའི་རིང་ཚད་ལ་སྨིས1ཙམ་དང་། ལུས་བོངས་སྤྱང་ཀི་ལས་ཅུང་ཆུང་བ་ཡིན། གདོང་ཞེང་ཆུང་ལ་མཆུ་ཅུང་རིང་བ་དང་། སུག་བཞི་ཐུང་ལ་རྔ་མ་སྦོམ། ལུས་ཀྱི་སྤུ་མདོག་ལ་དམར་སེར་ཅན་དང་། སེར་ཁྲ་རིགས་གཉིས་ཡོད། འཕར་བའི་རིགས་ནི་རི་ཁུལ་དང་། ནགས་ཚལ། ཐང་ཡངས་སར་ཁྱུ་བྱས་ནས་འཚོ་སྡོད་བྱ་རྒྱུར་དགའ་ཞིང་། འཕར་ཁྱུ་ཕྱོགས་ཡར་མར་ལ་འགྲོ་སྐབས།འཕར་བ་རྗེས་མ་དག་སྔོན་མའི་རྗེས་ཐོག་ལ་སྤོས་ནས་འགྲོ་བའི་གོམས་གཤིས་ཡོད། དེར་བརྟེན། བོད་པ་དག་གིས་ཀྱང་ཁ་ཚིག་དོན་ལ་གནས་ཆེད། འཕར་བའི་གོམས་སྲོལ་དཔེ་རུ་དྲངས་ཏེ། རྟག་ཏུ་ཕོ་རབ་ཚིག་ཐོག་དང་། འཕར་བ་རྗེས་ཐོག་ཅེས་དམ་ཚིག་འཇོག་སྲོལ་བྱུང་།