སྦངས།

སྦངས།

ཞི་ལམ་འབྲས་གསུམ་གཞུང་ཚིག་མ་ཎིར་བཟློ།།

བདེ་ཅན་འདོད་པའི་རྔམ་སེམས་ལྷག་ཏུ་འཕེལ།།

དམག་དང་གཟོར་གྱི་མངོན་སྤྱོད་ནར་མར་རྦད།།

འཁྲུག་སློང་ཚིག་གི་མཁན་པོ་དེང་དུས་བྲིན།།

རང་གཞན་སྡེ་པར་གྱེས་པའི་གཅུར་སྒམ་ན།།

དྲག་པོ་ཧུཾཿ་ལ་ཕཊ་ཀྱིས་མངོན་སྤྱོད་བྱེད།།

གསེར་སྒམ་ཕྱི་ལ་པ་ཊས་རབ་མཛེས་ཤིང་།།

ནང་ནས་གཡུ་འབྲུག་སྔོན་མོ་དྲག་ཏུ་ལྡིར།།

སྐུ་ལ་འཇམ་ཚད་ལྗགས་ལ་ཞིམ་ཚད་གསོལ།།

སྙན་ལ་སྙན་ཚད་ཤངས་ལ་ཞིམ་ཚད་གསོལ།།

ཁ་གསག་ཐོབ་ཀྱིས་བྱ་བ་ཀུན་གཞལ་བའི།།

སྲིད་པའི་ཕུན་ཚོགས་འཛོམས་པའི་བཅོ་བརྒྱད་གྲོང་།།

རྒད་པོ་རྒད་པོའི་རྣམ་ཐར་སྐྱུར་རུ་རུ།།

དར་མ་དར་མའི་དར་སོ་འུར་རུ་རུ།།

གཞོན་ནུ་གཞོན་ནུའི་གཞོན་སོ་ཡལ་ལ་ལ།།

ཐམས་ཅད་ཐམས་ཅད་མགོ་མང་ཀླད་ཀོག་གཅིག

མི་ཆེན་ཁྲི་མདུན་རྒྱ་བསངས་སྔོ་ཕྱུར་ཕྱུར།།

མདུན་ན་འདོན་མདུན་རྒྱ་བསངས་སྔོ་ཕྱུར་ཕྱུར།།

འབངས་འཁོལ་ཁྱིམ་ལའང་རྒྱ་བསངས་སྔོ་ཕྱུར་ཕྱུར།།

རྒྱ་བསངས་ནམ་མཁའ་དཀྲིགས་པའི་རྒྱལ་མཚན་རི།།

དགེ་མིང་ཚེ་བརྟན་བཀྲ་ཤིས།