“ཧུའེ་ཧའེ་སྨྱུག་རྩེའི”བོད་ཡིག་ཡིག་གཟུགས་བརྩམས་ཆོས་དཔྱད་འདེམས་བྱེད་སྒོ་སྤེལ་བ།

༢༠༢༡ལོའི་ཟླ༤ཚེས༢༢ཉིན་གྱི་སློབ་གསེང་ལུས་རྩལ་སྐབས་ཀྱི་དུས་ཚོད་བེད་སྤྱད་དེ།  རང་རེའི་སློབ་གྲྭའི་སློབ་དཔྱོད་ཁང་དང་བོད་སྐད་ཡིག་ཚན་ཁག་གིས་གཉེར་སྐྱོང་བྱས་ཏེ། བོད་ཡིག་དགེ་རྒན་ཚང་མ་སྒྲིག་འཛུགས་བྱས་ཏེ་ཏང་ཡོན་བྱེད་སྒོ་ལྟེ་གནས་སུ་“ཧུའེ་ཧའེ་སྨྱུག་རྩེ”ཞེས་པའི་བོད་ཡིག་ཡིག་གཟུགས་བརྩམས་ཆོས་དཔྱད་འདེམས་བྱེད་སྒོ་ཞིག་སྤེལ་བ་རེད།    

ད་ཐེངས་ཀྱི་བྱེད་སྒོ་ནི་རང་རེའི་སློབ་གྲྭས་རྫོང་སློབ་གསོ་ཅུས་ཀྱི《ས་སྐྱ་རྫོང་གི་དགེ་སློབ་ཚོགས་རྣམས་ “ཧུའེ་ཧའེ་སྨྱུག་རྩེའི”ཡིག་གཟུགས་བྱེད་སྒོ་སྐབས་གཉིས་པ་སྤེལ་རྒྱུའི་སྐོར་གྱི་ལག་བསྟར་ཇུས་གཞིའི》བླང་བྱ་དང་ལེན་ཧུར་ཐག་ཞུས་ཏེ།     སློབ་དཔྱོད་ཁང་དང་བོད་སྐད་ཡིག་ཚོགས་ཆུང་གིས་བོད་ཡིག་སློབ་ཁྲིད་དགེ་རྒན་སྒྲིག་འཛུགས་བྱས་ཏེ་འཛིན་གྲྭ་ཁག་ནང་གི་ཡིག་གཟུགས་ལ་དགའ་པོ་དང་དད་མོས་བྱེད་མཁན་གྱི་སློབ་མ་ཡིག་གཟུགས་འགྲན་བསྡུར་གྱི་བྱེད་སྒོའི་ནང་ཞུགས་རྒྱུའི་བཀོད་སྒྲིག་བྱས་པས།  ད་ཐེངས་ཀྱི་བྱེད་སྒོའི་ནང་ཁྱོན་སློབ་མའི་བརྩམས་ཆོས་བརྒྱ་ལྷག་ཙམ་དབྱེ་གསེས་དང་ཞིབ་བསྡུར་བྱས་ཡོད།

ཞིབ་དཔྱད་བྱེད་རིང་དགེ་རྒན་ཚོས་སློབ་མའི་ཡིག་གཟུགས་ལེགས་པ་དང་།    ཆ་ཚད་དང་མཐུན་པ།    ལུགས་དང་མཐུན་པ།    བཀོད་པ་མཛེས་པ་སོགས་ཕྱོགས་མང་པོའི་ཐད་ནས་སློབ་མའི་བརྩམས་ཆོས་ལ་བསམ་གཞིག་བྱས་པ་དང་ཚང་མས་རིམ་པ་བཞིན་ལེགས་འདེམས་ཐེངས་མང་བྱས་མཐར་ཕུལ་བྱུང་སློབ་ཕྲུག་སུམ་ཅུ་ཡི་བརྩམས་ཆོས་ལེགས་འདེམས་བྱས་ཡོད།   

ད་ཐེངས་ཀྱི་བྱེད་སྒོའི་ཁྲོད་སློབ་མ་ཚོས་ཡིག་གཟུགས་བརྩམས་ཆོས་སྤེལ་བ་བརྒྱུད་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ༡༠༠འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ༧༠འཁོར་བར་རྟེན་འབྲེལ་གཟབ་རྒྱས་ཞུས་པ་དང་།     ཀྲུང་ཧྭ་མི་རིགས་རླབས་ཆེན་བསྐྱར་དར་མངོན་འགྱུར་ཡོང་བ་བྱེད་པའི་འབད་འཐབ་ཀྱི་ལོ་རྒྱུས་ལ་བསྔགས་བརྗོད་བྱས་ནས་ལོ་བརྒྱའི་རིང་གི་ཏང་གི་ཕུགས་འདུན་མངོན་འགྱུར་བྱེད་པ་དང་།    བརྩེ་སེམས་དང་འགན་འཁྲི་འཁུར་སེམས་ཁྱོན་ཡོངས་ནས་མཚོན་པར་བྱེད་པ།    མི་རིགས་ཀྱི་རིག་གནས་སྔར་བས་རྒྱུན་འཛིན་དང་དར་སྤེལ་གཏོང་བ།    རང་རེའི་སློབ་གྲྭའི་སློབ་མས་ཡིག་གཟུགས་འབྲི་སྦྱོང་ལ་སྔར་བས་ཚད་མཐོའི་མཐོང་ཆེན་བྱེད་པ།    སློབ་མའི་ཡིག་གཟུགས་ཀྱི་གོམས་གཤིས་ལེགས་སུ་གཏོང་བ།    ཡིག་གཟུགས་ཡང་དག་པ་དང་།    གཙང་མ།    མཛེས་པ་བཅས་ཡོང་བ་སྐུལ་སྤེལ་ནུས་པ་ཤུགས་ཆེན་གཏོང་ཐུབ་པ་བྱུང་ཡོད།